ۆ. پۋتين ەلباسىنا جانە قازاقستان حالقىنا كوڭىل ايتتى
ۆلاديمير پۋتين نۇرسۇلتان نازاربايەۆقا اقتوبە قالاسىندا تەرروريستەردىڭ زۇلىمدىق ارەكەتى سالدارىنان قازاقستاندىق اسكەري قىزمەتشىلەر مەن ەلىمىزدىڭ بەيبىت تۇرعىندارىنىڭ قازا بولۋىنا بايلانىستى كوڭىل ايتتى.
«بولعان وقيعا تەرروريزمنىڭ شەكارا تالعامايتىنىن جانە الەمنىڭ بارلىق ەلى مەن بۇكىل حالقى ءۇشىن ايقىن قاتەر توندىرەتىنىن تاعى دا كورسەتىپ بەردى. بۇل زۇلىمدىقتى تەك بارشا جاھان جۇرتشىلىعى بولىپ كۇش- جىگەر جۇمىلدىرۋ ارقىلى جەڭۋگە بولادى. رەسەي قازاقستانمەن انتيتەررورلىق باعىتتاعى سەرىكتەستىك ءوزارا ءىس- قيمىلدى بۇدان ءارى دە نىعايتۋعا ءازىر ەكەنىن بىلدىرگىم كەلەدى»، - دەلىنگەن جەدەلحاتتا.
سونداي- اق رەسەي پرەزيدەنتى قازا بولعانداردىڭ تۋعان- تۋىستارى مەن جاقىندارىنا شىن نيەتپەن كوڭىل ايتاتىنىن جانە سودىرلاردىڭ قولىنان زارداپ شەككەندەردىڭ بارلىعىنىڭ تەزىرەك ساۋىعىپ كەتۋىنە تىلەكتەس ەكەنىن جەتكىزۋدى ءوتىندى.
