ا ق ش ەلشىسى قازاقستان حالقىنا كوڭىل ايتتى
«بۇل كۇنى امەريكا قازاقستانمەن بىرگە، ەلدىڭ قايعىسىنا ورتاق»، - دەدى قازاقستانداعى امەريكا قۇراما شتاتتارىنىڭ ەلشىسى دجوردج ا. كرول ءوز سوزىندە.
«قازاقستانداعى امەريكا قۇراما شتاتتارىنىڭ ميسسياسى مەن امەريكا حالقىنىڭ اتىنان قازاقستان حالقىنا، اسىرەسە 2016 -جىلدىڭ 5 -ماۋسىمىندا اقتوبە قالاسىندا قازا تاپقان ماعىناسىز شابۋىلدىڭ قۇرباندارىنىڭ وتباسىلارىنا كوڭىل ايتقىم كەلەدى. مۇنداي زورلىق- زومبىلىق ءدىن مەن ۇلتتى تاڭدامايدى، ءبىراق بۇكىل ادامزاتقا قارسى بولىپ ەسەپتەلەدى. بۇكىل الەم قازاقستاننىڭ حالقىمەن بىرگە قايعىنى ءبولىسىپ، مۇنداي زومبىلىق ارەكەتتەردى الدىن الا بولدىرماۋ ارەكەتتەرىنە قوسىلادى»، - دەلىنگەن ەلشىنىڭ كوڭىل ايتۋ حابارلاماسىندا.
ەسكە سالا كەتسەك، بۇگىن، 2016 -جىلدىڭ 9 -ماۋسىمىندا قازاقستاندا جالپىۇلتتىق ازا تۇتۋ كۇنى جاريالاندى. بۇكىل ەل بويىنشا كوڭىل كوتەرەتىن شارالار توقتاتىلىپ، ب ا ق كوڭىل كوتەرۋ ماتەريالدارىنان باس تارتتى.
اۆتور: كەنجەكەي توقتامۇرات قىزى
