لاڭكەستەر قولىنان قازا تاپقان ارىستاردى باتىس قازاقستاندىقتار دا ازا تۇتۋدا - فوتو

ورال. قازاقپارات - ەلباسى جاريالاعان جالپى ۇلتتىق ازا تۇتۋ كۇنىنە وراي باتىسقازاقستاندىق تۇرعىندار ق ر ۇلتتىق ۇلانى «باتىس» وڭىرلىك قولباسشىلىعىنا قاراستى 5517-اسكەري ءبولىمىنىڭ الدىندا اقتوبە قالاسىندا ورىن العان لاڭكەستىك ارەكەت كەزىندە قازا بولعان ەرلەردىڭ سۋرەتتەرى مەن قالامپىر گۇل شوقتارىن قويدى.

بۇعان قوعامدىق بەلسەندىلەر باستاماشى بولعان.

ەسكە سالا كەتەيىك، اقتوبە قالاسىنداعى «باتىس» وڭىرلىك قولباسشىلىعىنا قاراستى 6655-اسكەري بولىمىنە 5 -ماۋسىم كۇنى قارۋلى توپ شابۋىل جاساعان كەزدە ءۇش بىردەي اسكەري قىزمەتكەر ەرلىكپەن قازا بولعان ەدى. سونىڭ ءبىرى اسكەري بولىمدە كەلىسىمشارتپەن قىزمەت ەتكەن كىشى سەرجانت بەرىكجان قاليەۆ كەشە تۋعان جەرى ب ق و- نىڭ جانىبەك اۋدانى جاقسىباي اۋىلىندا جەرلەندى.