اقتوبەدەگى تەراكت كەزىندە قازا تاپقانداردىڭ بالالارى «بالداۋرەندە» تەگىن دەمالاتىن بولادى

استانا. قازاقپارات - جالپى ۇلتتىق ازا تۇتۋ كۇنى قازاقستان رەسپۋبليكاسى ءبىلىم جانە عىلىم ءمينيسترى ەرلان ساعاديەۆ اقتوبەدەگى لاڭكەستىك سالدارىنان قازا تاپقان ازاماتتاردىڭ وتباسىلارىنا كوڭىل ايتتى، دەپ حابارلادى ق ر ب ع م باسپا ءسوز قىزمەتىنەن.

ە. ساعاديەۆ قازا بولعان ازاماتتاردىڭ بالالارىنا «بالداۋرەن» رەسپۋبليكالىق وقۋ- ساۋىقتىرۋ ورتالىعىندا (بۋراباي، اقمولا وبل.) تەگىن، ءارى ولاردىڭ جاعدايىن وڭالتۋعا قاجەتتى دەپ تابىلاتىن مەرزىمگە دەمالۋلارىنا مۇمكىندىك بەرىلەتىنى جونىندە مالىمدەدى.

ۇسىنىلىپ وتىرعان ورتالىقتا بالالاردىڭ تولىققاندى دەمالىپ، پسيحولوگيالىق تۇرعىدان ساۋىعۋلارىنا بارلىق جاعداي جاسالعان - تۇرمىسقا جايلى تۇرعىن كورپۋستار، ۇيلەسىمدى تاعام، مەديتسينالىق باقىلاۋ، كونتسەرتتىك جانە سپورتتىق الاڭدار، ءارتۇرلى ۇيىرمەلەر جانە كوپتەگەن ءىس- شارالار ۇيىمداستىرىلىپ وتىرادى.

پسيحولوگيالىق- پەداگوگيكالىق كومەكپەن قاتار، تولىققاندى دەمالىس پەن قۇربى- قۇرداستارىمەن ارالاسقان بالالاردىڭ پسيحولوگيالىق جاعدايى تۇراقتالىپ، ولاردىڭ جان كۇيزەلىسىنەن قورعالۋىنا سەپتىگىن تيگىزەدى.

ەسكە سالا كەتەيىك، 5 -ماۋسىمدا اقتوبە قالاسىنىڭ بىرنەشە جەرىندە اتىس بولىپ، سالدارىنان ءتورت بەيبىت تۇرعىن مەن ءۇش اسكەري قازا تاپتى. وسىعان بايلانىستى 9 -ماۋسىم جالپىۇلتتىق ازا تۇتۋ كۇنى بولىپ جاريالاندى.