قازاقستان ازاماتى زاڭداستىرعان ەڭ قىمبات شەتەلدەگى جىلجىمايتىن مۇلىك بەلگىلى بولدى
بۇل تۋرالى بۇگىن ق ر قارجى مينيسترلىگىنىڭ مەملەكەتتىك كىرىستەر كوميتەتى تاۋەكەلدەر، تالداۋ جانە ستاتيستيكا باسقارماسى باستىعىنىڭ ورىنباسارى ەرلان ساعىنايەۆ ءمالىم ەتتى.
«ەڭ قىمبات نىسان جايىندا ايتار بولساق، ولار نەگىزىنەن ءبىزدىڭ ازاماتتارىمىزدىڭ يەلىگىندەگى امىرلىكتەردەگى ءزاۋلىم سارايلار قۇرايدى. بۇل سارايلاردىڭ ورتاشا باعاسى شامامەن 100 ميلليون تەڭگەنى قۇراپ وتىر»، - دەدى ول.
ە. ساعىنايەۆتىڭ سوزىنە قاراعاندا، قازاقستان ازاماتتارى چەحيا، بولگاريا، گەرمانيا، ۇلى بريتانيا، رەسەي مەن وزبەكستان ەلدەرىندەگى وزدەرىنىڭ جىلجىمايتىن مۇلىكتەرىن زاڭداستىرىپ العان. سوڭعى ەكى ەلدە قازاقستاندىقتاردىڭ نەگىزىنەن پاتەرلەرى مەن جەكە تۇرعىن ۇيلەرى بار. مۇنان بولەك، ەل ازاماتتارى گەرمانيا، ۇلى بريتانيا، رەسەي، وزبەكستان مەملەكەتتەرىندەگى قۇندى قاعازدارىن زاڭداستىرعان.
«تولىقتاي العاندا، بۇگىنگى كۇنى رەسپۋبليكا بويىنشا مۇلىك پەن اقشانى جاريا ەتۋگە ارنالعان وتىنىشتەردىڭ سوماسى 1,8 تريلليون تەڭگەدەن اسىپ، ونىڭ 1,6 تريلليون تەڭگەسى رەسمي زاڭداستىرىلدى» ، - دەدى ول.
اۆتور: مارلان جيەمباي
