17:35, 09 - ماۋسىم 2016 | GMT +5
ۇلىم ەلامان وتان قورعاۋشىسى بولىپ وسكەنىنە ماقتان تۇتامىن - اقتوبەدە جارالانعان اسكەريدىڭ اناسى
اقتوبە. قازاقپارات - اسكەري قىزمەتكەر ەلامان ءجاندىلدانىڭ اناسى 6655 -اسكەري بولىمىندەگى اتىستا امان قالعانىنا قۋانىشتى. بۇگىن ول اسكەري بولىمدەگى قارالى ميتينگىنە قاتىستى.
- اتاسى مەن اجەسى ەسىمىن ەلامان دەپ قويدى. ول بۇل ەسىمگە لايىق. ول وتانىن قورعاي الدى. قۇداي مەن دارىگەرلەردىڭ ارقاسىندا امان قالعانىنا رازىمىن. ول التى بالامنىڭ ەڭ ۇلكەنى، - دەدى ول.
21 جاستاعى ەلامان ءجاندىلدا اسكەري بولىمدە 3 جىل كەلىسىمشارت بويىنشا جۇمىس ىستەۋدە. لاڭكەستەردىڭ شابۋىلى كەزىندە ول وتكىزۋ- باقىلاۋ بەكەتىندە كەزەكشى بولىپ، جەڭىل جاراقات الدى.
