16:29, 09 - ماۋسىم 2016 | GMT +5
جامبىل وبلىسىندا ءى ءى د مەن ۇلتتىق ۇلان اقتوبەدە زارداپ شەككەندەرگە ءبىر كۇندىك جالاقىلارىن اۋداردى - فوتو
تاراز. قازاقپارات - جامبىل وبلىسى ءى ءى د جانە قازاقستان ۇلتتىق گۆاردياسىنىڭ قىزمەتكەرلەرى اقتوبە قالاسىندا قازا بولعانداردىڭ تۋىستارى مەن زارداپ شەككەندەردى قولداۋ ماقساتىندا وزدەرىنىڭ ءبىر كۇندىك جالاقىسىن اۋداردى، دەپ حابارلايدى وبلىستىق ءى ءى د باسپا ءسوز قىزمەتى.
2016 -جىلدىڭ 9 -ماۋسىمى اقتوبە قالاسىندا جاسالىنعان تەرروريستىك اكتىنىڭ سالدارىنان ادامداردىڭ قۇربان بولۋىنا بايلانىستى قازاقستان رەسپۋبليكاسىندا ۇلتتىق ازا تۇتۋ كۇنى بولىپ جاريالاندى.
وسى جاعدايعا بايلانىستى جامبىل وبلىسى ءى ءى د قىزمەتكەرلەرى دە قايعىعا ورتاقتاسۋدا.
بۇگىن، ياعني 9 -ماۋسىمدا جامبىل وبلىسى ءى ءى د- دە قازاقستان رەسپۋبليكاسىنىڭ مەملەكەتتىك تۋى ءتۇسىرىلىپ، بارلىق قىزمەتكەرلەر قۇربانداردى ەسكە الا وتىرىپ، كەۋدە تۇستارىنا قارا لەنتا تاقتى.
وسىلايشا جامبىل وبلىسى ءى ءى د - نىڭ قىزمەتكەرلەرى اقتوبە تۇرعىندارىمەن بىرگە ەكەندىكتەرىن، سونداي-اق تەرروريزمگە قارسى كۇرەستە ولارمەن تىزە قوسىپ كۇرەسەتىندىكتەرىن ءبىلدىردى.
