شىعىس قازاقستاندا ەرتىس وزەنى بالىقتارىنىڭ قىرىلۋ سەبەبىن انىقتادى

استانا. قازاقپارات - تابيعاتتى قورعاۋ پروكۋراتۋراسىندا ش ق و اۋداندارىنىڭ بىرىندە بالىقتىڭ قىرىلۋ سەبەپتەرىن انىقتادى.

مامانداردىڭ باستاپقى نۇسقاسى راستالدى. بالىقتار گەس تۋربيناسىنىڭ مەحانيكالىق اسەرىنەن زارداپ شەككەن، دەپ حابارلادى YK-news.kz

ەسكە سالساق، 23 -مامىردا وگنيەۆكا كەنتى اۋدانىندا جەرگىلىكتى تۇرعىندار ءولى بالىقتار جاعاعا شىعىپ قالعانىن بايقاعان. ەكولوگتار وزەننەن سىناما الىپ، 18 حيميالىق زاتتىڭ بار- جوعىن تەكسەردى. بارلىق كورسەتكىش رۇقسات ەتىلگەن نورما شەگىندە بولىپ شىقتى.

عىلىمي ۇيىم يحتيولوگيالىق ساراپتاما جۇرگىزدى. قورىتىندىعا سايكەس ءولىم- جىتىمگە اكەلەتىن مەحانيكالىق زاقىمدانۋ انىقتالدى.

«بالىقتاردىڭ قىرىلۋىنا بۇقتىرما گ ە س قىزمەتى ىقپال ەتكەن. - دەپ حابارلادى ش ق و تابيعاتتى قورعاۋ پروكۋراتۋراسىنىڭ باسپا ءسوز قىزمەتى. - گ ە س قىزمەتىنىڭ تەرىس ىقپالى بولىگىندەگى زاڭ بۇزۋشىلىقتى جويۋ، سونداي-اق كەلتىرىلگەن زيان سوماسىن ايقىنداۋ ماقساتىندا تابيعاتتى قورعاۋ پروكۋراتۋراسى اۋماقتىق ينسپەكسياعا ءتيىستى تەكسەرۋ جۇرگىزۋ تۋرالى ۇسىنىم ەنگىزدى».