ولجاس سۇلەيمەنوۆ اقتوبەدەگى تەراكت جايىندا: بۇل كەنەتتەن بولعان وقيعا ەمەس

استانا. قازاقپارات - قازاقستاندىق بەلگىلى جازۋشى ولجاس سۇلەيمەنوۆ اقتوبەدەگى تەراكتىنى تراگەديا دەپ اتادى.

ول 5- ماۋسىمدا اقتوبەدە بولعان وقيعا جايلى پىكىرىن «شيپاجاي-2016» فورۋمىنىڭ ۇزىلىسىندە ايتتى، - دەپ حابارلايدى Tengrinews.kz ءتىلشىسى.

سۇلەيمەنوۆتىڭ ايتۋىنشا، بۇل تراگەديا اشىندىرىپ قانا قويماي، سونىمەن قاتار الاڭداتادى. «بۇل كەنەتتەن بولعان وقيعا ەمەس. بۇل ايتەۋىر ءبىر جولدارمەن دايىندالعان، سوندىقتان وسى ءبىر عانا اكتپەن بىتە سالماۋى مۇمكىن. تۇسىنەمىن، بيلىك 25 جىل بويى جولاماي كەلگەن جاعدايعا شىن مانىندە الاڭداپ، قام جەۋى كەرەك. ت م د- نىڭ بارلىق ەلىندە مۇنداي جاعداي ءتۇرلى ەرەكشەلىكتەرىمەن بولدى. رەسەي فەدەراتسياسىندا دا جاعدايدى تۇراقسىز ەتۋ ارەكەتتەرى بولدى، بارلىق ەلدە بولدى، قازاقستاننان باسقا. مەنىڭشە، قازىر بيلىك قانا ەمەس، بۇكىل قوعام وسى وقيعاعا نازار اۋدارىپ، ءمان بەرۋى كەرەك، بىزدە سوڭعى جىلدارى تۋعان كوڭىل-كۇيدىڭ باستاپقى بەلگىلەرى دەپ ءبىلۋى كەرەك»، - دەدى ول.

ەسكە سالايىق، بيىل 5- ماۋسىمدا اقتوبەدە تەراكت بولعان ەدى، ونىڭ سالدارىنان ونداعان ادام قازا تاپتى. قازاقستاندا تەررورلىق قاۋىپتىڭ سارى دەڭگەيى، ال اقتوبەدە قىزىل دەڭگەيى ەنگىزىلدى. شابۋىل جاساعان 13 ادام ءولتىرىلدى، تاعى تورتەۋى جارالاندى، ەندى التى ادام ىزدەۋدە ءجۇر.