12:29, 09 - ماۋسىم 2016 | GMT +5
قىزىلوردا وبلىسىندا پارا العان اۋداندىق اۋرۋحانانىڭ باس دارىگەرى ۇستالدى
استانا. قازاقپارات - قر سىبايلاس جەمقورلىققا قارسى ءىس- قيمىل ۇلتتىق بيۋروسىنىڭ قىزىلوردا وبلىستىق دەپارتامەنتى «امبۋلاتوريالىق- ەمحانالىق قىزمەتى بار قازالى اۋداندىق ورتالىق اۋرۋحاناسى» م ك ك- نىڭ باس دارىگەرى ن. كارىبايەۆتى ۇستادى.
اتالعان ۆەدومستۆو اقپاراتىنا سايكەس، كۇدىكتىنىڭ جەكە تۇلعادان جۇرگىزۋشى رەتىندە جۇمىسقا الۋ ءۇشىن 500 مىڭ تەڭگە كولەمىندە پارا العاندىعى انىقتالعان.
قازىرگى ۋاقىتتا ن. كارىبايەۆ قازالى اۋداندىق ىشكى ىستەر ءبولىمىنىڭ ۋاقىتشا وقشاۋلاعىشىنا قامالدى. سوتقا دەيىنگى تەرگەۋ امالدارى جۇرگىزىلۋدە.
اۆتور: مارلان جيەمباي
