ق ر قورعانىس مينيسترلىگىندە لاڭكەستىكتەن قازا بولعانداردى ءبىر مينۋت ۇنسىزدىكپەن ەسكە الدى - فوتو
ەلباسى - ق ر ق ك جوعارعى باس قولباسشىسى نۇرسۇلتان نازاربايەۆ اقتوبەدەگى لاڭكەستىكتەن قازا بولعاندار ءۇشىن ۇلتتىق ازا تۇتۋ كۇنىن جاريالادى.
بۇگىن تاڭسارىدەن ق ر قورعانىس مينيسترلىگى ورتالىق اپپاراتىنىڭ عيماراتىندا كوك تۋ تومەن ءتۇسىرىلدى. قورعانىس ءمينيسترى يمانعالي تاسماعامبەتوۆ باستاعان ق ر قارۋلى كۇشتەرىندەگى اسكەري قىزمەتشىلەردىڭ جۇمىس كۇنى بەيبىت ادامداردىڭ، ۇلتتىق ۇلان مەن ۇلتتىق قاۋىپسىزدىك كوميتەتىنىڭ قازا بولعان قىزمەتكەرلەرىن ءبىر مينۋت ۇنسىزدىكپەن ەسكە الۋدان باستالدى، دەپ حابارلايدى مينيسترلىكتىڭ باسپا ءسوز قىزمەتىنەن.
ودان باسقا، ق ر قورعانىس مينيسترلىگىنىڭ بارلىق بولىمشەلەرى مەن ق ر قارۋلى كۇشتەرىنىڭ اسكەري بولىمدەرىندە مەرت بولعانداردىڭ رۋحىنا ءبىر مينۋت ۇنسىزدىك جاريالاندى. سونداي- اق ق ر قورعانىس ءمينيسترى يمانعالي تاسماعامبەتوۆ قازا بولعان ازاماتتاردىڭ وتباسىلارىنا كوڭىل ايتۋ جەدەلحاتىن جولدادى.
