ب ا ق: يليا يلين لوندون جانە بەيجىڭ وليمپياداسىندا جەڭىپ العان التىن مەدالدارىنان ايىرىلۋى مۇمكىن
سەبەبى قايتا تەكسەرۋگە جىبەرىلگەن سول ويىندارداعى دوپينگ-سىناماسى وڭ ناتيجە (رۇحسات ەتىلمەگەن ءدارىنىڭ بار ەكەنىن) كورسەتكەن.
بۇل تۋرالى ت ا س س- قا تەرگەلىپ جاتقان ىسپەن تانىس دەرەككوز حابارلاعان دەپ جازادى sports.kz.
بۇرىن ازيالىق ب ا ق- قا سىلتەمە جاساعان يتاليالىق Oasport.it يليا يليننىڭ 2012-جىلعى لوندون وليمپياداسى كەزىندە الىنعان دوپينگ-سىناماسى وڭ ناتيجە كورسەتكەنىن حابارلاعان.
«حالىقارالىق اۋىر اتلەتيكا فەدەراتسياسىنا يليننەن دوپينگ تابىلعانى ايدان انىق. الداعى ۋاقىتتاعى جاعداي قالاي بولاتىنى ءالى بەلگىسىز، ويتكەنى اڭگىمە وليمپيادانىڭ ەكى دۇركىن چەمپيونى جايلى بولىپ تۇر. قازاقستاندىق فەدەراتسيا جاي بەرىلە سالمايدى، ءالى ول ءۇشىن كۇرەسەدى. جاعداي 15-16- ماۋسىمدا تۇسىنىكتى بولادى»، - دەپ حابارلايدى دەرەككوز.
ەسكە سالا كەتسەك، بەيجىڭ جانە لوندون وليمپيادالارىنا قاتىسقان قازاقستاندىق بەس سپورتشىنىڭ سىناماسى كۇدىك تۋدىرعان قازاقستان ۇلتتىق وليمپيادا (ۇ و ك) كوميتەتى راستاعان ەدى.
