پاۆلوداردا كوشى-قون زاڭناماسىن بۇزعان ەكى قىتايلىق ەلدەن شىعارىلادى

استانا. قازاقپارات - پاۆلودار وبلىسىنىڭ اۋماعىندا جۇرگەن ق ح ر- نىڭ ەكى ازاماتى ءماجبۇرلى تۇردە كوشى-قون زاڭناماسىن بۇزعانى ءۇشىن ەلدەن شىعارىلادى، دەپ حابارلايدى pavlodarnews.kz.

51 جاستاعى ليۋدزين قازاقستانعا 2015-جىلى 25-شىلدە كۇنى تۋريستىك ۆيزامەن كەلگەن. وسى ۋاقىتقا دەيىن قىتايلىق ازاماتشا ارنايى تىزىمگە تۇرماعان. ول زاڭ بويىنشا كۇنتىزبەلىك بەس كۇن ىشىندە ەسەپكە الىنۋى ءتيىس ەدى. ق ح ر- نىڭ تاعى ءبىر ازاماتى حۋ چي لين پاۆلوداردا ىسكەرلىك ۆيزا بويىنشا جۇرگەن.

- مامانداندىرىلعان اكىمشىلىك سوتتا شەتەلدىكتەر بۇل قىلىقتارىنا وكىنىپ، ءوز كىناسىن مويىندادى. بۇل جاعدايدى ولار زاڭنامانى دۇرىس بىلمەۋىمەن ءتۇسىندىردى، - دەدى سوتتىڭ باسپا ءسوز قىزمەتىندە.