قولىنا قارۋ الىپ مەملەكەتىمىزدىڭ تۇراقتىلىعىنا قارسى شىعاتىندار ءبىزدىڭ قوعامدا بولماۋى كەرەك - س. ەلۋباي
وسىعان بايلانىستى زامانىمىزدىڭ كورنەكتى جازۋشىسى، سەناريست سماعۇل ەلۋباي ەلباسىنىڭ ەكسترەميزم مەن تەرروريزمگە قارسى زاڭداردى قايتا قاراپ، بۇل قۇبىلىسقا قاتاڭ تويتارىس بەرۋ كەرەكتىگى جايىندا ايتقان ۇسىنىستارىنا قولداۋ كورسەتىپ، ءوز پىكىرىن ءبىلدىردى.
«جەر بەتىندە سوعىس ءورتى ءار جەردە باس كوتەرىپ جاتقانىن ءبارىمىز دە بىلەمىز. سول سوعىس ءورتىن قازاقستانعا دا تاستاماق بولعان ۇيىمداردىڭ بار ەكەندىگىنە مىنە، كوزىمىز جەتىپ وتىر. قازاقستان حالقى ءسوز جوق بەيكۇنا وپات بولعان ءوزىنىڭ ۇلدارىن بۇگىن جوقتاپ وتىر. سولاردىڭ قازاسىنا قايعىرىپ وتىر.
ەندىگى ماقسات - بۇدان كەيىن دە بەيكۇنا جاندار وسىنداي اداسقانداردىڭ قولىنان وپات بولماۋى ءۇشىن، بىرىنشىدەن زاڭدىق تۇرعىدان وسىنداي ۇيىمدارعا تىيىم سالۋ كەرەك! ياعني، قولىنا قارۋ الىپ، مەملەكەتىمىزدىڭ تۇراقتىلىعىنا قارسى شىعاتىندار ءبىزدىڭ قوعامدا بولماۋى كەرەك»، - دەپ ءسوزىن تۇيىندەدى س. ەلۋباي.
اۆتور: ايبوتا جاپپاربەرگەن
