21:18, 08 - ماۋسىم 2016 | GMT +5
تاجىكستاننىڭ ءبىرىنشى پرەزيدەنتى قايتىس بولدى
استانا. قازاقپارات - تاجىكستاننىڭ ءبىرىنشى پرەزيدەنتى كاححور ماحكاموۆ 85 جاسقا قاراعان شاعىندا قايتىس بولدى.
دارىگەرلەردىڭ مالىمەتتەرىنشە، ول ۇزاق ۋاقىتقا سوزىلعان دەرتتەن كوز جۇمدى. ماحكاموۆ تاجىكستان پارلامەنتىنىڭ ءومىر بويى مۇشەسى بولعان.
ر ي ا نوۆوستي اگەنتتىگىنىڭ حابارلاۋىنشا، تاجىكستان رەسپۋبليكاسى ءبىرىنشى پرەزيدەنتىن جەرلەۋ ءراسىمى 9 -ماۋسىمدا وتەدى.
تاجىكستان ك س ر جوعارعى كەڭەسى كاححور ماحكاموۆتى 1990 -جىلدىڭ قازان ايىندا، ەلدە پرەزيدەنتتىك ينستيتۋتى ەنگىزىلگەن شاقتا پرەزيدەنت بولىپ سايلاندى. 1991 -جىلدىڭ قاراشاسىندا بۇكىل حالىقتىق داۋىس بەرۋ بارىسىندا ەل پرەزيدەنتى بولىپ راحمون نابيەۆ سايلاندى. 80- جىلدارى ماحكاموۆ تاجىكستان ك س ر مينيسترلەر كەڭەسىنىڭ ءتوراعاسى جانە رەسپۋبليكا كومپارتياسى و ك- نىڭ ءبىرىنشى حاتشىسى قىزمەتىندە بولدى.
