گەننادي گولوۆكينگە استانادان پاتەر سىيعا بەرىلدى
قازمەديا ورتالىعىندا وتكەن كەزدەسۋدە جانكۇيەرلەر گەنانى ۇلكەن قوشامەتپەن قارسى الدى. سپورتشىمەن جۇزدەسۋ اشىق فورماتتا ءوتتى. كەز كەلگەن جانكۇيەر ءوز ساۋالىن ەركىن جەتكىزۋگە مۇمكىندىك الدى. ءوز كەزەگىندە بوكسشى زالدان تۇسكەن ءار ساۋالعا جاۋاپ قايىرۋعا تىرىستى.
ەڭ باستى ساۋالداردىڭ ءبىرى - گەنا مەن ساۋل «كانەلو» الۆارەس اراسىنداعى جەكپە- جەكتىڭ قاشان ۇيىمداستىرىلاتىنى بولعانى جاسىرىن ەمەس.
«ونى ءوزىم دە تاعاتسىزدانا كۇتىپ وتىرمىن. ول جەكپە- جەكتىڭ ۇيىمداستىرىلۋىنا بار كۇشىمىزدى سالىپ جاتىرمىز. مەن ورتا سالماقتا بارلىق بەلبەۋلەردى يەلەنسەم دەيمىن»، - دەدى گ. گولوۆكين.
ايتا كەتەيىك، گ. گولوۆكين كەلەسى كەزدەسۋىن كۇزدە وتكىزەتىندىگى بەلگىلى. الايدا ونىڭ قارسىلاسى ءالى انىقتالعان جوق. ساۋل الۆارەس گەنناديي گولوۆكينمەن كەزدەسۋدەن باس تارتقاننان كەيىن، قازاقستاندىق بوكسشى WBC تيتۋلىنا يە بولعان ەدى.
اۆتور: جاسۇلان جولدىبايەۆ
