كولىك پوليتسەيلەرى ۇشاقتا تەمەكى شەككەن گەرمانيا ازاماتىن رەيستەن ءتۇسىردى

استانا. قازاقپارات - 8 -ماۋسىمدا ساعات 00:15 تە الماتى قالاسى اۋەجايىنىڭ جەلىلىك پوليتسيا بولىمىنە حالىقارالىق اۋەجايدىڭ ديسپەتچەرلىك قىزمەتىنەن «ليۋفتگانزا» اۋە كومپانياسىنىڭ «فرانكفۋرت- الماتى» باعىتىنداعى رەيستەگى اۋە كەمەسىندە ءتارتىپ بۇزۋشى بار ەكەنى تۋرالى حابارلاما كەلىپ تۇسكەن.

تەكسەرۋ كەزىندە گەرمانيانىڭ 1981 -جىلعى ازاماتى انىقتالدى. ەر ادام ۇشاقتىڭ بورتىندا تەمەكى شەگىپ تۇردى، دەپ حابارلايدى كولىكتەگى ءى ءى د-نىڭ باسپا ءسوز قىزمەتى.

اتالعان فاكتىمەن ق ر اكىمشىلىك قۇقىق بۇزۋشىلىقتار تۋرالى كودەكسىنىڭ 441-بابىنىڭ 1 - ءبولىمى بويىنشا (جەكەلەگەن قوعاملدىق ورىنداردا تەمەكى شەگۋگە سالىنعان تىيىمدى بۇزۋ) اكىمشىلىك حاتتاما تولتىرىلدى. ەر ادام ءۇش ايلىق كورسەتكىش كولەمىندە اكىمشىلىك ايىپپۇل تولەيدى.