قاراعاندى وبلىسىندا «التىن بەلگىگە» ۇمىتكەر تۇلەكتەردىڭ جارتىسىنان كوبى ءبىلىمىن دالەلدەدى
بۇل تۋرالى وبلىستىق ءبىلىم باسقارماسىنىڭ باسپا ءسوز قىزمەتىنەن حابارلادى.
«3-7 ماۋسىم كۇندەرى ارالىعىندا قاراعاندى وبلىسىندا ءبىرىڭعاي ۇلتتىق تەستىلەۋ (ۇ ب ت) ءوتتى. ۇ ب ت وتكىزۋدىڭ 15 پۋنكتى ۇيىمداستىرىلعان. تەستىلەۋگە 4475 تۇلەك قاتىستى. الدىن الا مالىمەتتەر بويىنشا، وبلىس بويىنشا ورتاشا بالل 81,9 دى قۇراپ وتىر. وتكەن جىلمەن سالىستىرعاندا، ورتاشا بالل 2,5-كە وسكەن»، - دەلىنگەن حابارلامادا.
ايماقتا ۇ ب ت- نىڭ تىنىش، ەش وقيعاسىز وتكەنى اتاپ وتىلەدى. ۆەدومستۆونىڭ اقپاراتىنشا، بىردە ءبىر بۇزۋشىلىق انىقتالعان جوق.
ەڭ جوعارى كورسەتكىش - 125 بالدى جەزقازعانداعى قازاق- تۇرىك ليتسەيىنىڭ تۇلەگى تىلەكبەرگەن ءاشىموۆ جيناعان. ءۇش وقۋشى 123 بالدان، تاعى التاۋى - 122 بالدان جينادى.
وسى ارادا، «التىن بەلگىگە» ۇمىتكەر 218 وقۋشىنىڭ 122 سى عانا بىلىمدەرىن دالەلدەي العان. ۇزدىك اتتەستاتقا ۇمىتكەرلەردىڭ اراسىندا بۇل كورسەتكىش ودان دا تومەن بولدى - 97 تۇلەكتىڭ 39 ى عانا ءبىلىمىن دالەلدەدى.
