باتىس قازاقستاندىقتار اقتوبەدە ەرلىكپەن قازا تاپقان ب. قاليەۆتى سوڭعى ساپارعا شىعارىپ سالدى - فوتو
وسىعان وراي وبلىس اكىمى التاي كولگىنوۆ ارنايى كەلىپ، مارقۇمنىڭ اناسى گۇلجيان، زايىبى نۇرسۇلۋ جانە باسقا تۋما-تۋىسقاندارىنا كوڭىل ايتىپ، بەرىكجان قاليەۆتىڭ ەرلىگى ەل ەسىندە ماڭگى قالاتىنىن جانە وتباسىنا قولدان كەلگەن كومەكتىڭ ءبارى كورسەتىلەتىنىن جەتكىزدى.
اۋىلدىق مادەنيەت ۇيىندە وتكەن قارالى جيىندا سونداي-اق ق ر ۇلتتىق ۇلانى «باتىس» وڭىرلىك قولباسشىلىعى شتاب باستىعىنىڭ ورىنباسارى، پولكوۆنيك مەيىرجان مۇحامبەتقاليەۆ، قولباسشىلىقتىڭ اسكەري دايىندىق جونىندەگى باسقارماسىنىڭ باسشىسى، پولكوۆنيك تۇرسىن دۇيسەماليەۆ، 6655-اسكەري ءبولىم باستىعىنىڭ تاربيە جانە الەۋمەتتىك جۇمىستار جونىندەگى ورىنباسارى، مايور باقبەرگەن انەشيەۆ قاتىسىپ، ورنى تولماس قايعىعا ورتاقتاسىپ، كوڭىلدەرىن ءبىلدىردى.
مارقۇمنىڭ جانازاسىن وبلىستىڭ باس يمامى رۋسلان سۇلتانوۆ شىعاردى.
ەسكە سالا كەتەيىك، مارقۇمنىڭ سوڭىندا جۇبايى جانە ءتورت بالاسى قالدى.
اۆتور: ەلجان ەرالى
