ق ر ءى ءى م لاڭكەستەر ساۋىقتىرۋ لاگەرىنە شابۋىل جاسادى دەگەن اقپاراتتى راستامادى

استانا. قازاقپارات - ق ر ىشكى ىستەر مينيسترلىگى اقتوبەدە تەرروريستەر ساۋىقتىرۋ لاگەرىنىڭ كۇزەتشىلەرىنە وق اتتى دەگەن اقپاراتتى جوققا شىعاردى.

«اقتوبە وبلىسىندا ساۋىقتىرۋ لاگەرىنىڭ كۇزەتىنە قارۋلى شابۋىل جاسالدى دەگەن اقپاراتتى تەكسەردىك. اقپارات راستالعان جوق. تەرروريستەردى ۇستاۋ كەزىندە جارالانعان ادامدادىڭ سانى بۇرىنعىداي ءتورت ادام. ەلىمىزدىڭ ىشكى ىستەر مينيسترلىگىنىڭ جەكە قۇرامى كۇشەيتىلگەن رەجيمدە جۇمىس ىستەپ كەلەدى. اقتوبە قالاسىنداعى، جالپى ەلىمىزدە جاعداي قازىر تۇراقتى جانە باقىلاۋعا الىنعان»، - دەدى تەلەفون ارقىلى قازاقپارات ءتىلشىسىنىڭ سۇراعىنا جاۋاپ بەرگەن ق ر ءى ءى م رەسمي وكىلى الماس سادۋبايەۆ.

ەسكە سالا كەتەيىك، بۇگىن پرەزيدەنتتىڭ قابىلداۋىندا بولعان ق ر ۇلتتىق قاۋىپسىزدىك كوميتەتىنىڭ ءتوراعاسى ۆلاديمير جۇماقانوۆ بۇگىن تاڭەرتەڭ اقتوبەدە لاڭكەستەر بالالار لاگەرىنىڭ كۇزەتىنە وق اتتى دەپ حابارلاعان ەدى.

اۆتور: كەنجەكەي توقتامۇرات قىزى