13:47, 08 - ماۋسىم 2016 | GMT +5
بايقوڭىردان «سويۋز - م س» كەمەسىن ۇشىرۋ ۋاقىتى كەيىنگە شەگەرىلدى
بايقوڭىر. قازاقپارات - 2016-جىلى 24- ماۋسىمدا حالىقارالىق عارىش ستانساسىنا ۇشىرۋ جوسپارلانعان «سويۋز م س» كەمەسىن ۇشىرۋ ۋاقىتى كەيىنگە شەگەرىلدى، دەپ حابارلادى رەسەي عارىشتىڭ باسپا ءسوز قىزمەتىنەن.
«مەملەكەتتىك كوميسسيا مۇنداي شەشىمدى ح ع س- عا «سويۋز-م س» كەمەسىن ۇشىرۋ قاۋىپسىزدىگىن ارتتىرۋ ءۇشىن قابىلدادى. باعدارلامالىق قامتۋدى قوسىمشا سىناقتاردان وتكىزۋ كەرەكتىگى ايتىلدى»، دەلىنگەن باسپا ءسوز قىزمەتىنىڭ اقپاراتتىق حابارلاماسىندا.
ەندى «سويۋز- ف گ» زىمىران تاسىعىشىن «سويۋز- م س» كولىكتىك باسقارۋ كەمەسىمەن بايقوڭىردان 2016-جىلدىڭ 7- شىلدەسىندە ماسكەۋ ۋاقىتىمەن ساعات 04:36 ۇشىرۋ مەجەلەندى.
«سويۋز م س» جاڭا موديفيكاتسيالىق كەمەسىنىڭ نەگىزگى ەكيپاجىنىڭ قۇرامىندا: كەمە كومانديرى، رەسەيعارىش عارىشكەرى اناتولي يۆانيشين، جاپونيالىق استروناۆت تاكۋيا ونيشي جانە ناسا استروناۆتى كەتلين رۋبينس بار. ولاردىڭ دۋبلەرلارى - ولەگ نوۆيتسكي (رەسەي عارىش)، توما پەسكە (ە ك ا) جانە پەگگي ۋيتسون(ن ا س ا) بار.
