ق ر قورعانىس ءمينيسترى رەسەي فەدەراتسياسى قورعانىس ۆەدومستۆوسىنىڭ باسشىسىمەن كەزدەستى - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى. «ءبىزدىڭ كەزدەسۋلەرىمىز ءجيى وتكىزىلەتىن مازمۇنعا يە بولىپ وتىر. بۇل قازاقستان مەن رەسەي سياقتى ستراتەگيالىق سەرىكتەستەر ءۇشىن قاجەتتىلىك بولىپ تابىلادى. مۇمكىندىكتى پايدالانا وتىرىپ، سيرياداعى اسكەري وپەراتسيانىڭ ءساتتى وتۋىمەن شىن جۇرەكتەن قۇتتىقتاعىم كەلىپ وتىر»، - دەدى ق ر قورعانىس ءمينيسترى يمانعالي تاسماعامبەتوۆ. «حالىقارالىق لاڭكەستىكپەن كۇرەسۋدە جالپى تۇسىنىك پەن بىرىكتىرىلگەن ءىس- قيمىل جاساۋ قاجەت. بۇگىندە جالپى العاندا، عاسىرلار بويى جيناقتالعان بارلىق باستامالاردىڭ بەرىكتىلىگى شىڭدالۋدا. مۇندا دا بارشامىزعا ول جاقتا بولىپ جاتقاندى تاعى ءبىر مارتە تالقىعا سالىپ، لاڭكەستىكپەن كۇرەسۋ جونىندە قوسىمشا بىرلەسكەن شارالاردى قاراستىرۋىمىز قاجەت شىعار. بۇگىن بىزدە وسىنداي مۇمكىندىك بولادى دەپ ۇمىتتەنەمىن. ىنتىماقتاستىمىزعا قاتىستى ايتار بولساق، ونىڭ ستراتەگيالىق، تاتۋلىق سيپاتقا يە ەكەندىگى ءسوزسىز، ادەتتەگىدەي، الدىمىزعا ءومىر مەن زاماناۋي ۋاقىت قويىپ وتىرعان سول ماسەلەلەردى شەشۋگە ءبىرشاما سەنىمدى قادام باسىپ كەلەمىز»، - دەدى رەسەي فەدەراتسياسىنىڭ قورعانىس ءمينيسترى ارميا گەنەرالى سەرگەي شويگۋ.
بۇگىن استانادا ش ى ۇ قاتىسۋشى ەلدەرى قورعانىس مينيسترلەرىنىڭ كەڭەسى ءوتىپ جاتقانىن ەستەرىڭىزگە سالا كەتەيىك. وتىرىس شەڭبەرىندە ش ى ۇ مۇشە مەملەكەتتەرى اسكەري ۇرمەلى وركەسترلەرىنىڭ «بەيبىتشىلىك كەرنەيى» Ⅲحالىقارالىق فەستيۆالى وتەدى. ش ى ۇ قاتىسۋشى ەلدەرى اسكەري مۋزىكانتتارىنىڭ فەستيۆالىنە قىرعىز رەسپۋبليكاسى، قىتاي حالىق رەسپۋبليكاسى، رەسەي فەدەراتسياسى، تاجىكستان رەسپۋبليكاسى مەن قازاقستان رەسپۋبليكاسى اسكەري وركەسترلەرىنىڭ جەكە قۇرامى قاتىسادى.
