قىتاي فۋتبولشىسى اۋىر جاراقات العان قونىسبايەۆتان كەشىرىم سۇرادى
- دەپ حابارلايدى Vesti.kz.
ەسكە سالايىق، قازاقستاننىڭ فۋتبولدان جارتىلاي قورعاۋشىسى قونىسبايەۆ اۋەلەپ كەلە جاتقان دوپقا تالاستا جەرگە قۇلاپ، وڭ اياعىن سىندىرىپ الدى. وقيعا ءبىرىنشى تايمنىڭ سوڭىندا بولعان ەدى. «اتىراۋ» فۋتبول كلۋبىنىڭ ويىنشىسىن جەدەل جاردەم قىزمەتكەرلەرى اۋرۋحاناعا جەتكىزدى. سپورت پورتالىنىڭ مالىمەتىنشە، قونىسبايەۆ ەندى ماۋسىمنىڭ سوڭىنا دەيىن ويناي الماۋى مۇمكىن.
قونىسبايەۆتىڭ العان جاراقاتى داليان قالاسىنىڭ ستاديونىندا وتكەن ماتچ اراسىنداعى ۇزىلىستە قازاقستان مەن قىتاي فۋتبولشىلارىنىڭ اراسىندا جانجال تۋدىرا جازدادى. فۋتبولشىلاردىڭ ويىن كەزىندە اشۋعا ەرىك بەرۋى قالىپتى نارسە. قىتايلىق ويىنشى ۇلان قونىسبايەۆتى قۇلاتىپ جىبەرگەن سوڭ، قازاقستاندىق ويىنشىلار باس كوتەردى. اسىرەسە، تاڭات نوسەربايەۆتىڭ قارسىلاسقا كۇش كورسەتكىسى كەلگەنىن بايقاۋعا بولادى.
تورەشى قىتايلىق فۋتبولشىعا سارى قاعاز كورسەتتى.
ويىنشىلاردىڭ تىم قىزۋقاندى ويناعانى سونشالىق، ماتچتىڭ 83- مينۋتىندا قورعاۋشى ەلدوس احمەتوۆ الاڭنان قۋىلدى.
ماتچتان كەيىن كوماندا قازاقستان فۋتبول فەدەراتسياسى باسقارماسىن دالياننان الماتىعا قاراي باعىت العان ۇشاقتى توقتاتا تۇرۋىن سۇرادى. سەبەبى ولار قونىسبايەۆپەن بىرگە قايتقىسى كەلدى.
Facebook قولدانۋشىسى سەرجانا قاسەننىڭ پاراقشاسىنان الىنعان سۋرەت
قىتاي قۇراماسىنىڭ جارتىلاي قورعاۋشىسى جەن حان قازاقستاندىق قونىسبايەۆتان كەشىرىم سۇرادى. «مەن كەشىرىم سۇرايمىن. مەن تەك دوپتى توسىپ العىم كەلدى، بۇلاي بولارىن بىلمەدىم. مەن قونىسبايەۆتان كەشىرىم سۇرايمىن. وسىلاي بولعانىنا قاتتى وكىنەمىن. قارسىلاستارىمنان دا كەشىرىم سۇرايمىن. ماتچتان كەيىن دە مەن ولاردا كەشىرىم سۇرادىم. ءبىز - كاسىبي ويىنشىلارمىز، قارسىلاستى جاراقاتتايتىنداي ۇرىس- كەرىسكە بارمايمىز. وكىنىشكە قاراي، ويىنشىلار ويىن الاڭىندا جاراقاتتار الادى. مەن ونىڭ تەزىرەك ساۋىعىپ كەتۋىن تىلەيمىن جانە ول مەنى كەشىرە الادى دەپ ۇمىتتەنەمىن»، - دەپ كەلتىردى ويىنشىنىڭ ءسوزىن Sina.com باسىلىمى.
ايتا كەتەيىك، قىتايدا وتكەن ماتچتا قازاقستان قۇراماسى 1:0 ەسەبىمەن جەڭىسكە جەتتى. ازات نۇرعاليەۆ قىتاي كومانداسىنىڭ قاقپاسىنا باسپەن گول سوقتى.
Kaz.tengrinews.kz
