ر. ەردوعان تۇرىك دەپۋتاتتارىنىڭ قول سۇعىلماۋشىلىق قۇقىعىن شەكتەدى

استانا. قازاقپارات - تۇركيا پرەزيدەنتى رەدجەپ تايىپ ەردوعان دەپۋتاتتاردى قىلمىستىق قول سۇعىلماۋشىلىق قۇقىعىنان ايىرۋ تۋرالى جارلىققا قول قويدى.

 بۇل زاڭ وپپوزيتسيالىق حالىقتار دەموكراتيالىق پارتياسىنىڭ (ح د پ) ءبىرقاتار دەپۋتاتىنا قاتىستى سوت پروتسەسىن جۇرگىزۋگە جول اشادى. پرەزيدەنت بۇل پارتيانى تۇركيادا تىيىم سالىنعان «كۇردىستان جۇمىس» پارتياسىنىڭ بولىگى دەپ ەسەپتەيدى، دەپ حابارلادى بي-بي-سي اگەنتتىگى.

«رەيتەر» اگەنتتىگىنىڭ اقپاراتىندا پارلامەنتتىڭ 138 مۇشەسىنە قاتىستى قىلمىستىق ءىس قوزعالىپ، تەرگەۋ امالدارى جۇرگىزىلىپ جاتقانى حابارلانعان. الايدا، وسىعان دەيىن ولاردى سوتتاۋ مۇمكىن بولمادى. 138 دەپۋتاتتىڭ 101 دەپۋتاتى ەكى ءىرى وپپوزيتسيالىق پارتيانىڭ - ح د پ جانە سولشىل- سەنتريستىك حالىقتىق- رەسپۋبليكالىق پارتياسىنىڭ مۇشەلەرى.

زاڭ جوباسىن پارلامەنت مامىر ايىنىڭ سوڭىندا قۇپتادى. ونى زاڭ شىعارۋشىلاردىڭ باسىم بولىگى قولدادى (550 دەپۋتاتتىڭ 376 سى).

پارلامەنت شەشىمىن ەردوعان قولدادى. ول ح د پ- نىڭ «كۇردىستان جۇمىس» پارتياسىمەن بايلانىسى بار دەپ سانايدى. ەردوعاننىڭ پايىمىنشا، «كۇردىستان جۇمىس» پارتياسى تۇركيا قالالارىنداعى ءبىرقاتار تەررورلىق ارەكەتتەرگە جاۋاپتى.