ا ق ش- تا بۇرىنعى ناسا استروناۆتى ەكى قىزدى ءولتىردى دەپ ايىپتالۋدا
بۇل تۋرالى ت ا س Associated Press اگەنتتىگىنە سىلتەمە جاساپ حابارلايدى.
حولسەلل جەكسەنبى كۇنى الاباما شتاتىندا تۇتقىندالدى. تەرگەۋ مالىمەتتەرى بويىنشا، ول ءوزىنىڭ Сhrysler 300 ماشيناسىمەن جولاۋشىلار ورىندىعىندا 11 جاسار نيومي دجەيمس پەن 13 جاسار دجەيلا پارلەر وتىرعان Ford Fiesta اۆتوموبيلىنە سوقتىعىسقان. جول- كولىك اپاتى تاسكالۋس قالاسىنان شىعىسقا قاراي تاسجولدا بولعان.
قىزدار جول اپاتى كەزىندە اۆتوموبيلدەن ۇشىپ كەتكەن. سونداي- اق Ford Fiesta ماشيناسىندا بولعان ەكى ەرەسەك ادام جاراقات الىپ، اۋرۋحاناعا جەتكىزىلگەن. ولاردىڭ حال- جاعدايى حابارلانعان جوق.
وقيعادان كەيىن 59 جاستاعى بۇرىنعى استروناۆتى كىسى ولتىرۋگە ايىپتالىپ، قاماۋعا الىندى. پوليتسيادان حابارلاعانداي، الدىن الا مالىمەتتەر بويىنشا حولسەلل جىلدامدىق رەجيمىن ارتتىرعان. بۇل ءىس بويىنشا تىڭداۋلاردىڭ وتەتىن كۇنى بەلگىلەنگەن جوق.
حولسەلل 1956 -جىلى ۆەست- مونرو قالاسىندا (لۋيزيانا شتاتى) تۋىلعان. 1994 -جىلدان 2000 -جىلعا دەيىن NASA شاتتلدارىندا بەس رەت ۇشقان. NASA- نىڭ «عارىشقا ۇشقانى ءۇشىن» مەدالىمەن بەس رەت ماراپاتتالعان. ا ق ش اسكەري- اۋە كۇشتەرىنىڭ پولكوۆنيگى شەنى بار.
