حورۆاتيادا قازاقستانعا ارنالعان ەكى كەمە جاسالادى

استانا. قازاقپارات - «قازاقستان تەمىر جولى» ۇ ك» ا ق زاگرەبە قالاسىندا حورۆاتيالىق «ۋليانيك» كەمە جاساۋ كاسىپورىنمەن ەكى پاروم كەمەسىنىڭ قۇرىلىسى تۋرالى ۋاعدالاستىققا قول جەتكىزدى.

اتالعان كەلىسىمگە «قازاقستان تەمىر جولى» ا ق پرەزيدەنتى اسقار مامين مەن «ۋليانيك» كومپانياسىنىڭ باس ديرەكتورى دجانني روساندا اراسىندا قول قويىلدى. قول قويۋ راسىمىنە حورۆاتيا پرەزيدەنتى كوليندا گرابار-كيتاروۆيچ تە قاتىستى. بۇل تۋرالى «قازاقستان تەمىر جولى» ا ق باسپا ءسوز قىزمەتىنەن حابارلاندى.

«قازاقستان تەمىر جولى» قازاقستاننىڭ كولىكتىك-لوگيستيكالىق ينفراقۇرىلىمى مەن ترانزيتتىك-كولىكتىك الەۋەتىن دامىتۋعا باعىتتالعان ا ق «نۇرلى جول» باعدارلاماسىن جۇزەگە اسىرۋعا بەلسەندى تۇردە قاتىسىپ كەلەدى. كومپانيا تاراپىنان قولعا الىنعان نىساندار ەل اۋماعىنان جۇك تاسىمالىنىڭ اعىنىن ارتتىرۋعا سەپتىگىن تيگىزىپ، جۇك تاسىمالىنىڭ مۋلتيمودالىن قامتاماسىز ەتەتىن بولادى»، - دەلىنگەن باسپا ءسوز بايانىندا.

كومپانيا باسشىسى اسقار ماميننىڭ ايتۋىنشا، قازىرگى ۋاقىتتا ازەربايجان، گرۋزيا، تۇركيا، قىتاي تاراپىنداعى ارىپتەستەرمەن بىرلەسكەن ترانس كاسپي حالىقارالىق كولىك ءدالىزى ارقىلى جۇك اينالىمىن دامىتۋ جۇمىستارى قولعا الىنىپ وتىر. «وسى مارشرۋتتى دامىتۋ لوگيستيكانىڭ تيىمدىلىگىن ارتتىرىپ، حالىقارالىق ساۋدانى جانداندىرادى. بۇل ءۇشىن دە بىزگە ءوزىمىزدىڭ كەمەلەردىڭ بولۋى اسا ماڭىزدى»، - دەدى ا. مامين.

ءوز كەزەگىندە «ۋليانيك» باس ديرەكتورى د. روساندا قازاقستاندى الەمدىك نارىقتىڭ ماڭىزدى بولىگى بولىپ تابىلاتىنىن اتاپ ءوتىپ، وسى ماقساتتا ءوزارا ءتيىمدى ىنتىماقتاستىق مۇمكىندىكتەرى اۋقىمدى ەكەنىن اتاپ ءوتتى. «حورۆاتيا پارومداردى جەتكىزۋدى تولىقتاي قامتاماسىز ەتەتىن بولادى. كەمە قۇرىلىسى سالاسىندا الداعى ۋاقىتتا دا زاماناۋي تەحنولوگيا ترانسفورتىن جۇزەگە اسىرۋعا نيەتتىمىز»، - دەدى ول.

ەكى پاروم كەمەسى ءبىرىنشى كەزەكتە كاسپي ارقىلى تەمىرجول ۆاگوندارىن تاسىمالداۋعا ارنالادى. كەمەلەر حورۆاتيانىڭ ەرتەدەن كەلە جاتقان كەمە جاساۋ كاسىپورنىندا جاسالماق.

اۆتور: قانات مامەتقازى ۇلى