04:55, 08 - ماۋسىم 2016 | GMT +5
ۇلان قونىسبايەۆ قىتايمەن وتكەن ماتچتا اياعىن سىندىرىپ الدى
استانا. قازاقپارات - قازاقستاننىڭ فۋتبولدان جارتىلاي قورعاۋشىسى ۇلان قونىسبايەۆ قىتاي كومانداسىمەن جولداستىق كەزدەسۋدە اۋىر جاراقات الدى، - دەپ حابارلايدى Vesti.kz.
وقيعا ءبىرىنشى تايمنىڭ سوڭىندا بولدى. قونىسبايەۆ اۋەلەپ كەلە جاتقان دوپقا تالاستا جەرگە قاتە ءتۇسىپ، وڭ اياعىن سىندىرىپ الدى.
«اتىراۋ» فۋتبول كلۋبىنىڭ ويىنشىسىن جەدەل جاردەم قىزمەتكەرلەرى اۋرۋحاناعا جەتكىزدى. سپورت پورتالىنىڭ مالىمەتىنشە، قونىسبايەۆ ەندى ماۋسىمنىڭ سوڭىنا دەيىن ويناي الماۋى مۇمكىن.
ەستەرىڭىزگە سالا كەتەيىك، قىتايدىڭ داليان قالاسىندا قازاقستان مەن قىتاي قۇرامالارى اراسىندا جولداستىق كەزدەسۋدە جەرلەستەرىمىز قارسىلاستارىن 1:0 ەسەبىمەن ۇتقان بولاتىن.
