22:56, 07 - ماۋسىم 2016 | GMT +5
توبىعىن شىعارىپ السا دا، الەمدىك رەكوردتى جاڭارتتى
استانا. قازاقپارات - ۋكراينالىق كاسكادەر الەكساندر تۋرچانينوۆ ليتۆاداعى شوۋدا مەتالل شەڭبەردىڭ ىشىندە ەڭ ۇلكەن ءارى اسا قاۋىپتى تريۋك جاساپ، الەمدىك رەكوردتى جاڭارتتى.
15min پورتالى حابارلاعانداي، نومەرىنىڭ سوڭىندا ول بايكتى دۇرىس باسقارا الماي، بيىكتىكتەن قۇلاپ كەتتى.
كاسكادەر كاۋناسس اۋرۋحاناسىنا جەتكىزىلدى. الدىن الا بولجام بويىنشا، ول توبىعىن شىعارىپ العان.
تۋرچانينوۆتىڭ ونەرىن ۋكراينانىڭ ۇلتتىق رەكوردتىق اگەنتتىگىنىڭ وكىلدەرى قاداعالادى، دەپ جازدى ر ي ا نوۆوستي.
كاسكادەرعا رەكورد جاساعاندىعى تۋرالى سەرتيفيكات بەرىلدى.
