17:54, 07 - ماۋسىم 2016 | GMT +5
اۋىراتلەت ۆلاديمير سەدوۆ قازاقستان چەمپيوناتىندا داۋ شىعاردى - فوتو
استانا. قازاقپارات - اۋىراتلەت ۆلاديمير سەدوۆ قازاقستان چەمپيوناتىندا داۋ شىعارىپ، اۋىر اتلەتيكادان قازاقستان چەمپيوناتىنا قاتىسۋدان باس تارتتى، - دەپ حابارلايدى Vesti.kz.
«مىنە سىزدەرگە ناعىز وليمپيادا چەمپيونى!»، - دەپ ايعايلادى سەدوۆ جەيدەسىن شەشىپ. ول جەيدەسىن كورەرمەندەر جاققا لاقتىردى. وسىدان كەيىن ول شتانگاعا جاقىنداماي، سىرتقا شىعىپ كەتتى. ەل بىرىنشىلىگىنىڭ فاۆوريتى (94 كەلىگە دەيىنگى تۇجىرىم) تۋرنيرگە قاتىسۋدان وسىلايشا باس تارتتى.
سويتسە، سەدوۆ كيىپ شىققان جەيدەدە رەسەيلىك اۋىراتلەت الەكساندر يۆانوۆتىڭ سۋرەتى بار ەكەن. ول لوندونداعى وليمپيادا-2012 دە قازاقستاندىق يليا يليننەن جەڭىلىپ، ەكىنشى ورىن العان بولاتىن.
ايتا كەتەيىك، 2009-جىلعى الەم چەمپيونى ۆلاديمير سەدوۆ مانساپ جولىن وتكەن جىلى اياقتاعان بولاتىن. الايدا ونىڭ سالماق دارەجەسىندەگى ەكى سپورتشى دوپينگ داۋىنا ءىلىنىپ، جارىستاردان شىعىپ قالعاننان كەيىن قايتا ورالعان ەدى.
