19:57, 07 - ماۋسىم 2016 | GMT +5
الماتى حالىقارالىق اۋەجايىندا قاۋىپسىزدىك شارالارى كۇشەيتىلدى
الماتى. قازاقپارات - الماتى قالاسىنىڭ حالىقارالىق اۋەجايىندا قاۋىپسىزدىك شارالارى كۇشەيتىلدى.
بۇل تۋرالى بۇگىن اۋەجايدىڭ رەسمي سايتىندا ءمالىم ەتىلدى.
«بۇگىنگى تاڭدا تەكسەرۋ شارالارىنىڭ ءبىرىنشى جەلىسى ىسكە قوسىلدى. قازىر، اۋەجايدىڭ جولاۋشى تەرمينالىنا كىرىپ جاتقان بارلىق ازاماتتار قوسىمشا تەكسەرىلىپ جاتىر. قاۋىپسىزدىك شارالارىنىڭ كۇشەيتىلۋىنە بايلانىستى، الماتى حالىقارالىق اۋەجايى جولاۋشىلاردى اۋەجايعا ەرتەرەك كەلۋدى سۇرايدى»، - دەلىنگەن حابارلامادا.
ايتا كەتەلىك، اقتوبە قالاسىنداعى لاڭكەستىك ارەكەتتەرگە بايلانىستى قازاقستاندا كەشە 40 تاۋلىككە لاڭكەستىك قاۋىپتىلىكتىڭ ءبىرقالىپتى «سارى» دەڭگەيى ەنگىزىلدى.
