اقتاۋلىق دارىگەر بىرگە ۇشىپ كەلە جاتقان ۇشاق جولاۋشىسىن امان الىپ قالدى
بۇل تۋرالى لادا حابارلايدى.
«Bek Air» اۋەكومپانياسى استانا-اقتاۋ رەيسىنىڭ جولاۋشىلارى 4- ماۋسىم كۇنى ۇشۋ كەزىندە جولاۋشىلاردىڭ ءبىرى ەسىنەن تانىپ قالعانىن ايتتى.
«داۋىستاپ دارىگەر كەرەك ەكەنىن ايتتى. سوندا اقتاۋلىق مەدبيكە قىز كومەككە كەلدى. ۇشقىش اقتوبەگە قونۋعا ءماجبۇر بولدى. بارلىق جولاۋشىلاردىڭ اتىنان كامشاتقا العىس ايتامىز»، - دەيدى رەيس جولاۋشىلارى.
«جولاۋشىنىڭ ارتەريالدى قان قىسىمى تومەن ءتۇسىپ كەتكەن. وتتەگى جەتىسپەۋ سالدارىنان ول ەسىنەن تانىپ قالدى. وعان ينتەنسيۆتى تەراپيا جۇرگىزدىك. اقتوبەدە ونى «جەدەل جاردەم» قىزمەتكەرلەرى الىپ كەتتى. جولاۋشى استاناعا ارنايى ەمدەلۋ ءۇشىن بارعان ەكەن. ماۋسىم ايىنىڭ اياعىندا ونىڭ جۇرەگىنە وتا جاساماق. ەمدەلۋ كۋرسىنان سوڭ مەن وعان اقتاۋعا ۇشاقپەن ەمەس، پويىزبەن قايتۋعا كەڭەس بەردىم»، - دەيدى دارىگەر.
كامشات شاميەۆا - ماڭعىستاۋ وبلىستىق ەمحاناسىنىڭ دارىگەر ۋلتراسونولوگى. بۇعان دەيىن ول بالالار ەمحاناسىندا رەانيماتولوگ بولىپ قىزمەت ەتكەن ەكەن.
Stan.kz
