لوندون مەرى يسلام جايلى «اڭىزداردى» سەيىلتۋ ءۇشىن ورازا ۇستاپ ءجۇر
«ادەتتە كوبىنە كوفەين جەتىسپەيدى. ءىش پىستىراتىن كەزدەسۋلارگە كوپ باراتىنمىن (بيىل ەمەس، ارينە، سەبەبى مەن قازىر الەمدەگى ەڭ تاماشا لاۋازىم يەسىمىن! - س. حان.) ماعان جۇمىسىمدى جالعاستىرۋ ءۇشىن كوفەين قاجەت. بيىل ورازاعا دايىندىق رەتىندە، كوفە ءىشۋدى ازايتۋعا تىرىستىم. تاعام ىشپەۋ قيىندىق تۋدىرمايدى، وعان ۇيرەنىپ كەتەسىڭ»، - دەپ جازدى حان.
قالا باسشىسى تىعىز كەستەگە قاراماستان ءبىر اي بويى ورازا ۇستاماق.
لوندون مەرى ءداستۇرلى يسلام دىنىندە بولىپ، باتىستىق ليبەرالدىق كوزقاراستى ۇستانۋعا بولاتىنىن كورسەتپەك.
«مەنى مۇسىلمان ساياساتكەر رەتىندە قابىلداعانىن قالامايمىن. مەن مۇسىلمان كوشباسشى جانە ونىڭ رەسمي وكىلى ەمەسپىن. ادامدى دىنىنە قاراي باعالاۋ قاجەت ەمەستىگىنە مىسال بولسا دەيمىن. ءار ادامنىڭ الەۋمەتتىك رولدەرى بار: مىسالى مەن لوندون تۇرعىنىمىن. بالامىن، اكەمىن، مەريا - ۋاعىزبەن اينالىساتىن ورىن ەمەس»، - دەپ اتاپ ءوتتى ول.
سونىمەن قاتار، ول رامازان - «بۇل مۇسىلمان قوعامى ءۇشىن يگىلىك جاساۋعا جانە يسلام جايلى الىپ- قاشپا اڭگىمەلەردى سەيىلتۋگە تاماشا مۇمكىندىك» ەكەنىن اتاپ ءوتتى.
