ەسكەرتۋ: تەررورلىق قاۋىپتىڭ «سارى» دەڭگەيى نەنى بىلدىرەدى؟
قالادا انتيتەررورلىق وپەراتسيالار رەجيمى ارەكەت ەتۋدە، دەپ حابارلادى ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنەن.
قالىپتاسقان جاعدايدى ەسكەرە وتىرىپ، سونداي-اق بولۋى ىقتيمال كۇشتەۋ اكسيالارىنا الدىن الا ارەكەت جاساۋ ماقساتىندا قازاقستان رەسپۋبليكاسى انتيتەررور ورتالىعىنىڭ باسشىسى - ۇ ق ك ءتوراعاسى گەنەرال- لەيتەنانت ۆ. ز. جۇماقانوۆ ق ر پرەزيدەنتىنىڭ 2013 -جىلعى 9 -تامىزداعى № 611 جارلىعىنا سايكەس، 6 -ماۋسىمدا تەرروريستىك قاۋىپتىلىكتىڭ «سارى» (ءبىرقالىپتى) دەڭگەيىن جاريالادى. اتالعان دەڭگەي ەلىمىزدىڭ بارلىق اۋماعى بويىنشا 40 تاۋلىككە ەنگىزىلدى.
«سارى» دەڭگەي كۇشتىك قۇرىلىمدارمەن جانە مەملەكەتتىك ورگاندارمەن ۇيىمداستىرۋشىلىق، اكىمشىلىك جانە جەدەل ءىس- شارالار كەشەنىن وتكىزۋدى بولجايدى، ونىڭ ىشىندە:
- بولۋى ىقتيمال تەرروريستىك جانە ەكسترەميستىك كۇشتەۋ اكسيالارى تۋرالى اقپاراتتاردى جيناۋ، باعالاۋ جانە تەكسەرۋ؛
- تەرررورعا قاتىستى باسقا دا وسال وبەكتىلەردى جانە تۇرعىندار جاپپاي جينالاتىن ورىنداردى تەكسەرۋ؛
- ارنايى تەحنيكالىق قۇرالداردى پايدالانا وتىرىپ، كولىكتەردە قاراپ- تەكسەرۋ ءىس- شارالارىن كۇشەيتۋ؛
- كوشەلەردە، الاڭداردا، ستاديونداردا جانە تۇرعىندار جاپپاي جينالاتىن باسقا دا ورىنداردا، ماگيسترالدىق تەمىر جول جۇيەلەرىندە جانە وزگە دە كولىك ينفراقۇرىلىمىنىڭ وبەكتىلەرىندە كۇشەيتىلگەن پاترۋلدەردى قويۋ؛
- بولۋى ىقتيمال تەرروريستىك قاۋىپ- قاتەرلەر مەن بۇل جاعدايدا قاجەتتى ارەكەت تۋرالى تۇرعىنداردى الدىن الا اقپاراتتاندىرۋ.
ۇلتتىق قاۋىپسىزدىك كوميتەتى ازاماتتارعا سابىرلىلىق ساقتاپ، مەملەكەتتىك جانە قۇقىق قورعاۋ ورگاندارىنىڭ ارەكەتىنە تۇسىنىستىكپەن قاراپ، سونداي-اق ولارعا قاجەتتى كومەك كورسەتۋدى ءوتىنىپ سۇرادى.
قاۋىپسىزدىكتىڭ ءبىرىنشى كەزەكتەگى شارالارى رەتىندە ساقتىق تانىتىپ، يەسىز جاتقان، اسىرەسە سىمدار مەن تەحنيكالىق قۇرىلعىلارى بار نارسەلەرگە (سومكەلەر، قوراپتار، بۋمالار، قاپتار، شاباداندار مەن ت. ب. )، نازار اۋدارۋدى تالاپ ەتەدى، بۇنداي جاعدايدا وعاش كورىنگەن زاتتارعا تايانباي، قۇقىق ءتارتىبى ورگاندارىنا تەز ارادا حابارلاۋ قاجەت.
سونىمەن قوسا، قوعامدىق ورىندار مەن كولىكتەردە كۇدىكتى ادامدارعا نازار اۋدارىپ، ولاردان بەلگىسىز زاتتار مەن سالەمدەمەلەردى ساقتاۋعا، بەرۋگە جانە تاسىمالداۋعا الماۋ كەرەك.
ق ر انتي تەررور ورتالىعى مەن ۇلتتىق قاۋىپسىزدىك كوميتەتى جەكە ادامدى، قوعامدى جانە مەملەكەتتى تەرروريستىك جانە ەكسترەميستىك قاۋىپ- قاتەرلەردەن قورعاۋ بويىنشا قاجەتتى شارالاردى قولدانۋدا.
ۇ ق ك باسپا ءسوز قىزمەتى ۇلتتىق قاۋىپسىزدىك ورگاندارى احۋالدىڭ وزگەرۋى مەن جۇرگىزگەن ءىس- شارالار ناتيجەسى تۋرالى حابارلاپ وتىرادى.
