ىشكى ىستەر ورگاندارى اقتوبەدەگى وقيعاعا قاتىسى بار قىلمىسكەرلەردى ۇستاۋ بويىنشا بارلىق شارالاردى قولعا الدى

استانا. قازاقپارات - ىشكى ىستەر ورگاندارى اقتوبەدەگى وقيعاعا قاتىسى بار قىلمىسكەرلەردى ۇستاۋ بويىنشا بارلىق شارالاردى قولعا الدى.

 بۇل تۋرالى ق ر ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ ءمالىم ەتتى.

«قازىرگى تاڭدا بەلسەندى قارۋلى قاقتىعىستاردىڭ بارىسىندا 13 قىلمىسكەردىڭ كوزى جويىلدى، 4 جاراقات الدى، 7 قىلمىسكەر ىزدەۋدە. ىشكى ىستەر ورگاندارى ىزدەۋدەگى قىلمىسكەرلەردى ۇستاۋ بويىنشا بارلىق شارالاردى قابىلداۋدا. قازىرگى ۋاقىتتا 8 كۇدىكتى ۇستالدى، ولاردىڭ قىلمىسقا قاتىسى تەكسەرىلۋدە»، - دەيدى ول.

سونىمەن قاتار ا. سادۋبايەۆ اقتوبە قالاسىنداعى جاعدايعا دا توقتالىپ، ءتۇن قالىپتى جاعدايدا وتكەندىگىن، رەسپۋبليكا بويىنشا جاعداي تۇراقتى، تولىقتاي باقىلاۋدا ەكەندىگىن اتاپ ءوتتى.

 «دەگەنمەن، رەسپۋبليكا بويىنشا ىشكى ىستەر ورگاندارى تولىق جەكە قۇرامىنىڭ قىزمەتى كۇشەيتىلگەن رەجىمدە»، - دەدى دەپارتامەنت باسشىسى.

 اۆتور: مارلان جيەمباي