تۇركيا س ءى م اقتوبەدەگى وقيعاعا قاتىستى مالىمدەمە جاريالادى
«قازاقستاننىڭ باتىس ايماعىنداعى اقتوبە قالاسىندا 2016 -جىلعى 5- ماۋسىمدا بەلگىسىز كىسىلەر تاراپىنان اڭشىلىق قارۋ- جاراق ساتاتىن ەكى دۇكەن مەن اسكەري بولىمگە جاسالعان جانە سالدارىنان 3 ازامات پەن 3 اسكەري قىزمەتكەر قازا تاۋىپ، 6 اسكەري جانە 3 پوليتسيا قىزمەتكەرى جاراقات العان لاڭكەستىك شابۋىلدى قاتاڭ تۇردە ايىپتايمىز.
شابۋىلدا قايتىس بولعاندارعا اللادان راقىم تىلەپ، جاقىندارى مەن باۋىرلاس قازاقستان حالقىنا كوڭىل ايتامىز. سونداي- اق زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىز.
بولمەستەن جازىقسىز جانداردىڭ قانىن توككەن وسى جانتۇرشىگەرلىك وقيعا بىزگە حالىقارالىق تەرروريزمنىڭ تامىرىنا بالتا شابۋ ماقساتىندا الەمدىك قوعامداستىقتىڭ تولىق تىلەكتەستىك پەن ىنتىماقتاستىق ىشىندە بولۋى قاجەتتىلىگىن تاعى ءبىر رەت كورسەتتى. ۇزاق جىلداردان بەرى لاڭكەستىككە قارسى كۇرەسىپ، سول كۇرەسىن ءالى كۇنگە دەيىن جالعاستىرىپ كەلە جاتقان ەلىمىز قازاقستاننىڭ لاڭكەستىكپەن كۇرەسى جولىندا ىنتىماقتاسا ارەكەت ەتۋگە دايىن»، - دەپ جازىلعان حابارلامادا.
