جەلىدە مۇحاممەد ءاليدىڭ سوڭعى تۇسكەن سۋرەتتەرى پايدا بولدى
سۋرەتتەردى اعىلشىن فوتوگرافى زەنون تەكسەيرا 2016 - جىلدىڭ ناۋرىزىندا تۇسىرگەن. ول اريزونا شتاتىنىڭ فينيكس قالاسىنداعى بوكسشىنىڭ ۇيىنە سپورتشىنىڭ وتباسىنىڭ شاقىرتۋىمەن بارعان. فوتوسەسسيا بوكسشىنىڭ 30 جىلدان اسا ۋاقىت بويى پاركينسون اۋرۋىنىڭ بەلگىلەرى كورىنەدى. سۋرەتتە ءالي اڭىزعا اينالعان جۇدىرىعىن قىسىپ، كوتەرەدى.
(پاركينسون اۋرۋى - ەرەسەك ادامداردا بولاتىن سوزىلمالى اۋرۋ. ورتالىق جۇيكە جۇيەسىنىڭ نەمەسە ورتا ميدىڭ قارا سۋبستانتسيا نەيروندارىنىڭ ءبۇلىنىپ نەمەسە ءولىپ قالۋىنان پايدا بولادى. اركينسون اۋرۋى قوزعالىستىق بۇزۋلارعا جانە پسيحيكالىق بۇزۋلارعا اكەلەدى. قازىرگى تاڭدا اۋرۋدىڭ ەمى جوق، ءبىراق دارىگەلەر رەابيليتاتسيالىق كۋرستى جۇرگىزەدى. سوندىقتان وسى اۋرۋمەن اۋىرعان ادامداردىڭ ءومىرى ءبىراز جەڭىلدەتىلەدى.)
بىرنەشە كۇن بۇرىن بوكسشىنىڭ تىنىس الۋى قيىنداپ، اۋرۋحاناعا جەتكىزىلگەن بولاتىن. سونىمەن قاتار، دارىگەرلەر سپورتشىنىڭ ءولىم اۋزىندا جاتقانىن حابارلاپ، كەيىن ول قايتىس بولعان ەدى. بوكسشى 1980 -جىلدان باستاپ پاركينسون اۋرۋىمەن اۋىردى. سپورتشىنىڭ قىزىنىڭ ايتۋىنشا، مۇحاممەد ءاليدىڭ بارلىق ورگانى ىستەمەي قالعاننان كەيىن جۇرەگى 30 مينۋت بويى سوعىپ تۇرعان. حانا ءالي الەۋمەتتىك جەلىدە «مۇندايدى ەشكىم كورمەگەن» دەپ جازىپ، مۇنىڭ رۋح پەن جىگەردىڭ ناعىز دالەلى ەكەنىن ايتتى.
سپورتشىنىڭ وتباسىنىڭ رەسمي وكىلى اڭىزعا اينالعان بوكسشىمەن قوشتاسۋ ءراسىمىنىڭ 10 - ماۋسىمدا كەنتۋككي شتاتىنداعى لۋيسۆيلل قالاسىندا وتەتىنىن حابارلادى. «جەرلەۋ ءراسىمى لۋيسۆيللدە جۇما كۇنى وتەدى، كەلەمىن دەۋشىلەرگە ەسىك اشىق»، - دەپ كەلتىرەدى رەسمي وكىلدىڭ ءسوزىن Reuters اگەنتتىگى.
Kaz.tengrinews.kz
© wlky.com/Reuters
