تارازدا شەنەۋنىكتەر دۇكەندەردى ارالادى - فوتو

تاراز. قازاقپارات - جامبىل وبلىسى نەگىزىگى ازىق- تۇلىك تاۋارلارىنا باعانى باقىلاۋ شتابىنىڭ باسشىسى وبلىس اكىمىنىڭ ورىنباسارى بەكبولات ورىنبەكوۆتىڭ باسشىلىعىمەن ونىڭ وكىلدەرى تارازدا ساۋدا ورىندارى، ءدارىحانا، جانار- جاعارماي ستانتسيالارى بويىنشا رەيد جۇرگىزدى.

بۇل تۋرالى ءوڭىردىڭ باسپا ءسوز قىزمەتىندە حابارلادى.

ولار وبلىس ورتالىعىنداعى ازىق-تۇلىك تاۋارلارىنىڭ باعاسى قولايلى شاعىن ماركەتتەردى ارالادى. ب. ورىنبەكوۆ وزبەكستاننان كەلەتىن كەپتىرىلگەن جەمىستەرگە باعانىڭ ەلەۋلى كوتەرىلگەنىنە نازار اۋداردى.

«نەگە ءبىز جىل سايىن رامازان ايى جانە ورازا- ايت قارساڭىندا باعا كوتەرىلگەنىن بايقايمىز؟» - دەگەن سۇراق قويدى وبلىس اكىمىنىڭ ورىنباسارى.

دۇكەن اكىمشىلىگى ساۋدا الاڭىن جالعا بەرۋشىلەر باعانى كوتەرگەندىگىن ايتقاندا، شتاب ءتوراعاسى ەلدەگى جالپى ەكونوميكالىق جاعداي مەن مەملەكەتتىڭ الەۋمەتتىك ساياساتىن ەسكەرۋ قاجەتتىگىن العا تارتتى.

«مەملەكەت 33 اتاۋدان تۇراتىن الەۋمەتتىك ماڭىزى بار تاۋارلار باعاسىن باقىلاپ وتىرادى، - دەدى ول. - ولارعا باسا ءمان بەرىلۋى قاجەت. سونىمەن بىرگە جالعا الۋشىلاردان اقشا الىپ قانا قويماي، دۇكەننىڭ بارلىق تاۋارلارىنىڭ باعاسىنىڭ قۇنىنا مونيتورينگ جۇرگىزۋ قاجەت. باعا تومەن بولسا، تاۋاردىڭ دا وتىمدىلىگى ارتادى».

وبلىستىق شتاب وكىلدەرى الەۋمەتتىك ماڭىزدى تاۋارلاردى تومەن باعادا ساتاتىن «تاراز» ا ك ك تۇراقتاندىرۋ قورىنىڭ 10 كوممۋنالدىق دۇڭگىرشەگىنىڭ جۇمىسىنا جاقسى باعا بەردى. «بورا» جانە «ەۆرومەبەل» ساۋدا ورىندارىنىڭ دۇكەندەرى دە قولايلى باعامەن جۇمىس جۇرگىزۋدە.

رەيد بارىسىندا ا ي-92 ماركالى بەنزين باعاسىن نەگىزسىز وسىرگەن «گازپروم- نەفت» ماي قۇيۋ بەكەتىن قۇزىرەتتى ورگاندار تەكسەرەتىن بولادى. مۇندا قالا بويىنشا بەنزين قۇنى 122-125 تەڭگە بولعاندا، ولار 127 تەڭگەدەن ساتقان.

تاراز ءدارىحانالارىنىڭ جۇمىسىنا ەسكەرتۋلەر بولعان جوق.

«تۇتاستاي، وبلىستا ينفلياتسيا دەڭگەيى ورتاشا رەسپۋبليكالىق كورسەتكىشتەن ءسال جوعارىلاۋ، - دەدى رەيد قورىتىندىسى بويىنشا ب. ورىنبەكوۆ. ونى تومەندەتۋ ءۇشىن كاسىپكەرلەرمەن ءتۇسىندىرۋ جۇمىستارىن جۇرگىزۋ قاجەت. بۇل رەتتە الەۋمەتتىك ماڭىزدى تاۋارلارعا، ءدارى، جانار- جاعار ماي ت. ب. باسا نازار اۋدارىلادى. ءسوز بايلاسۋ، باعانى نەگىزسىز كوتەرۋ جاعدايلارى ورىن العاندا، بىردەن دەن قويىپ، شارالار قولدانىلادى».

وبلستىق ستاتيستيكانىڭ دەرەكتەرىنە سايكەس جامبىل وبلىسىندا وتكەن جىلعى ناۋرىزبەن سالىستىرعاندا، تۇتىنۋشىلىق باعا يندەكسى %100,9 دى قۇرادى. ازىق- تۇلىك تاۋارلارىنا

باعا %0,6 عا، ازىق- تۇلىك ەمەس تاۋارلارعا %0,8 عا، اقىلى قىزمەتتەرگە باعا %1,4 عا ارتتى.

ساۋىردە وتكەن ايعا قاراعاندا، ورتاشا جان باسىنا شاققانداعى ەڭ تومەنگى كۇنكورىس

مولشەرى %1,1 عا ارتتى.

2016 -جىلعى ساۋىردە ينفلياتسيا 2015 -جىلعى جەلتوقسانعا قاراعاندا، %3,9 دى قۇرادى.