ساۋد ارابياسى ا ق ش ءۇشىن مۇناي باعاسىن كوتەردى

استانا. قازاقپارات - ساۋد ارابياسىنىڭ مەملەكەتتىك مۇناي كومپانياسى ەۋروپالىق تۇتىنۋشىلار ءۇشىن قارا التىن قۇنىن 35 سەنتكە ارزانداتتى.

ەسەسىنە ا ق ش- قا ساتاتىن مۇنايدى 10 سەنتكە قىمباتتاتقان. بۇل تۋرالى The Wall Street Journal باسىلىمىنا سىلتەمەمەن 24.kz حابارلادى.

ساراپشىلار ساۋد ارابياسىنىڭ مۇنداي شەشىم قابىلداۋىنا يران مەن ەۋروپا اراسىنداعى ساۋدانىڭ قايتا جاندانا باستاۋى سەبەپ بولعانىن ايتادى. بۇگىندە بۇل ەل كارى قۇرلىق ەلدەر نارىعىنا تاۋلىگىنە 800 مىڭ باررەل مۇناي ەكسپورتتايدى. ال يران 400 مىڭ باررەل عانا ساۋدالايدى. ءبىراق الداعى ۋاقىتتا يران باسشىلىعى ساۋدا كولەمىن 700 مىڭ باررەلگە دەيىن كوتەرۋدى كوزدەپ وتىر.