تەرروريستىك قاۋىپتىلىكتىڭ «سارى» دەڭگەيى كەزىندەگى ءوزىن ۇستاۋ بويىنشا ۇسىنىمدار
وتىرىس بارىسىندا قاۋىپسىزدىك شارالارىن، اسىرەسە تەرروريستىك تۇرعىدان وسال نىسانداردا كۇشەيتۋ ماسەلەلەرى قارالدى، دەپ حابارلايدى ەلوردانىڭ رەسمي سايتى.
5-6 -ماۋسىمدا اقتوبە وبلىسىنىڭ اۋماعىندا ورىن العان وقيعالارعا بايلانىستى تەرروريستىك سيپاتتاعى قاۋىپ-قاتەردىڭ الدىن الۋ ماقساتىندا قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى ەل اۋماعىندا 40 تاۋلىككە تەرروريستىك قاۋىپتىلىكتىڭ ءبىرقالىپتى «سارى» دەڭگەيى بەلگىلەندى.
تەرروريستىك قاۋىپتىلىكتىڭ «سارى» دەڭگەيى جاريالانعان جاعدايدا ۇستالاتىن ءتارتىپ بويىنشا ۇسىنىستار.
قۇرمەتتى ەلوردا تۇرعىندارى مەن قوناقتارى!
قاراۋسىز قالعان سومكەلەرگە، قوراپتارعا، تۇيىنشەكتەرگە، قاپتارعا، چەموداندارعا، اسىرەسە سىمدار مەن تەحنيكالىق قۇرالدار شىعىپ تۇرسا، سونداي- اق، قوعامدىق جەرلەردە جانە كولىكتە كۇماندى، كۇدىكتى ادامدارعا نازار اۋدارىڭىزدار.
ساقتاۋ نەمەسە تاسىمالداۋ ءۇشىن كۇماندى زاتتاردى الماڭىزدار.
اينالاداعىلارعا قاراۋسىز قالعان زاتتارعا قول تيگىزۋدىڭ قاۋىپتى ەكەندىگىن تۇسىندىرىڭىزدەر. قۇقىق قورعاۋ ورگاندارىنىڭ قۇجات تەكسەرۋ جۇمىستارىنا تۇسىنىستىكپەن قاراپ، ولارعا كومەكتەسىڭىزدەر.
اعىمداعى جاعدايدى باقىلاپ، جاڭالىقتاردى تىڭداڭىزدار.
دۇرلىگۋگە جول بەرمەڭىزدەر.
كۇماندى زاتتاردى تاپقان جاعدايدا، دەرەۋ 112، 102، 71-60-10، 71-61-10 نومەرلەرىنە حابارلاسىڭىزدار.
