حالىقارالىق تەرروريزمنىڭ يدەولوگتارى ازاماتتارىمىزدى ءوز ىقپالىنا تارتۋعا تىرىسىپ جاتىر - ءدىن ىستەرى جونىندەگى كوميتەت
بۇل تۋرالى مادەنيەت جانە سپورت مينيسترلىگى ءدىن ىستەرى جونىندەگى كوميتەت مالىمدەمەسىندە ايتىلادى.
قازا تاپقانداردىڭ جانۇيالارى مەن تۋىستارىنا كوڭىل ايتقان ءدىن ىستەرى جونىندەگى كوميتەت مۇنداي قىلمىسقا بارعان ادامداردىڭ ماقساتى بەيبىت تۇرعىنداردى قورقىتۋ، بەيبىتشىلىك پەن كەلىسىمدى بۇزۋ جانە قوعامىمىزدا قورقىنىش ۇيالاتىپ، بۇلىك شىعارۋ بولعاندىعىن اتاپ وتكەن.
«ءدىندى جامىلعان لاڭكەستەر تاعى ءبىر رەت ناعىز بولمىستارىن كورسەتتى. مۇنداي ادامدار وزدەرىن «ءدىندى قورعاۋشىلار» دەپ اتاعاندارىمەن، يسلامنىڭ ناعىز قۇندىلىقتارى ولارعا جات. مۇنداي باسسىزدىققا قاسيەتتى رامازان ايى قارساڭىندا بارۋدىڭ ءوزى سوعان دالەل»، - دەلىنگەن مالىمدەمەدە.
وسىعان بايلانىستى، قازاقستاننىڭ مۇسىلماندارى ءدىن باسشىلىعى لاڭكەستەردىڭ ارەكەتىن سىناپ، ازاماتتاردى ەلدەگى بەيبىتشىلىك پەن كەلىسىمدى ساقتاۋعا شاقىردى.
«ازاماتتارىمىزدى راديكالدار تاراپىنىڭ اراڭداتۋشىلىقتارىنا ەرمەۋگە، تىنىشتىق پەن سابىرلىقتى ساقتاۋعا شاقىرامىز.
ءتيىستى قۇقىق قورعاۋ ورگاندارى مەن ارنايى قىزمەتتەر جاعدايدى ءجىتى تەكسەرىپ، كىنالىلەر ءتيىستى جازالارىن الادى»، - دەلىنگەن مالىمدەمەدە.
