اقمولا وبلىسىندا سالعا ءمىنىپ كول ورتاسىنا كەتىپ قالعان بالالار قۇتقارىلدى - فوتو
بۇل تۋرالى ايماقتىق ت ج د باسپا ءسوز قىزمەتىنەن حابارلادى.
«اعىمداعى جىلدىڭ 5 -ماۋسىمى كۇنى 1999-2001-جىلعى تۋعان كوكشەتاۋلىق جەتى جاسوسپىرىم سۋعا شومىلماق بولىپ قوپا كولىنە بارادى. كەيىن كول جاعاسىندا جاتقان سالدى الىپ، سۋدا جۇزەدى. سول كەزدە قاتتى جەل بالالار وتىرعان سالدى كولدىڭ ورتاسىنا الىپ كەتەدى. ءوز ەركىمەن جاعاعا شىقپاق بولعان ولاردىڭ ارەكەتىنەن ەشتەڭە شىقپاي، كومەك شاقىرۋعا ءماجبۇر بولادى. وسى كەزدە اقمولا وبلىستىق ت ج د جەدەل قۇتقارۋ وتريادىنىڭ كوكشەتاۋ قالاسى بويىنشا قۇتقارۋ بولىمشەسىندە كەزەكشىلىك جاساعان قۇتقارۋشى رومان شەۆچەنكو قىراعالىق تانىتىپ، قول بۇلعاپ كومەككە شاقىرىپ جاتقان بالالاردى بينوكلمەن بايقاپ قالادى.
دەرەۋ وقيعا ورنىنا جەتكەن قۇتقارۋشىلار جاسوپىرىمدەردىڭ بارلىعىن امان-ەسەن جاعاعا الىپ شىقتى»، دەلىنگەن حابارلامادا.
