استانادا ءبىر اي ىشىندە بىرنەشە كوشە جابىلادى
قالانىڭ كوشەلەرىندەگى اسفالت- بەتون جابىنىن قالىپقا كەلتىرۋ جۇمىستارىن جۇرگىزۋگە بايلانىستى 2016 -جىلى 5 -ماۋسىمنان باستاپ 5 -شىلدەگە دەيىن كولىك قۇرالدارىنىڭ قوزعالىسى كەزەڭ- كەزەڭمەن شەكتەلەدى. تومەندەگى ۋچاسكەلەر تولىق جابىلادى:
1. تۇران داڭعىلىنان ورىنبور كوشەسىنە دەيىنگى اۋماقتا دوستىق كوشەسى؛
2. كەرەي، جانىبەك حاندار كوشەسىنەن م-2 اۆتوجول كوپىرىنە دەيىنگى اۋماقتاعى ورىنبور كوشەسى؛
3. كەرەي، جانىبەك حاندار كوشەسىنەن اۆتوجول كوپىرىنە (سارىارقا كوشەسى) دەيىنگى اۋماقتاعى تۇران داڭعىلى؛
4. تاۋەلسىزدىك داڭعىلىنان اۆتوجول كوپىرىنە (موجايسكي) دەيىنگى اۋماقتاعى پۋشكين كوشەسى؛
5. دوستىق كوشەسىنەن سىعاناق كوشەسىنە دەيىنگى اقمەشىت كوشەسى؛
6. تۇران داڭعىلىنان قابانباي باتىر داڭعىلىنا دەيىنگى اۋماقتاعى كەرەي، جانىبەك حاندار كوشەسى؛
7. كەنەسارى كوشەسىنەن ءبىرجان سال كوشەسىنە دەيىنگى جەڭىس داڭعىلى.
قالا جولدارىنداعى جوندەۋ جۇمىستارىنىڭ جۇرگىزىلۋىنە بايلانىستى ءى ءى د بارلىق جۇرگىزۋشىلەردەن ءوزىنىڭ باعىتىن الدىن الا جوسپارلاۋدى سۇرايدى.
