16:36, 06 - ماۋسىم 2016 | GMT +5
ك. ءماسىموۆ ءبىلىم مينيسترىنە اقتوبەدە ۇ ب ت- نىڭ دۇرىس ءوتۋىن باقىلاۋعا الۋدى تاپسىردى
استانا. قازاقپارات - بۇل ۇكىمەتتىڭ سەلەكتورلىق رەجىمدەگى وتىرىسىندا ق ر پرەمەر- ءمينيسترى كارىم ءماسىموۆ ءبىلىم جانە عىلىم ءمينيسترى ەرلان ساعاديەۆكە اقتوبەدە ۇلتتىق ءبىرىڭعاي تەستىلەۋدىڭ دۇرىس ءوتۋىن باقىلاۋعا الۋدى تاپسىردى.
«كەشە كەشكىسىن بالالاردىڭ قاۋىپسىزدىگى ءۇشىن ەكى پۋنكتتەگى ۇلتتىق ءبىرىڭعاي تەستىلەۋدى وتكىزۋ مەرزىمىن 7 -ماۋسىمعا اۋىستىرۋ تۋرالى شەشىم قابىلداندى. اتا-انالار مەن ۇستازدارعا قاجەتتى مالىمەتتەر بەرىلدى. بارلىق پۋنكتتەردە ۇ ب ت شتاتتىق رەجىمدە جۇرگىزىلۋ ۇستىندە. ەگەر ءسىزدىڭ تارابىڭىزدان تاپسىرما بولاتىن بولسا، وندا مەن اقتوبەگە ءوزىم بارىپ، جاعدايدى باقىلاۋعا الامىن»، - دەدى مينيستر ق ر پرەمەر-ءمينيسترى كارىم ماسىموۆكە قاراتا.
«بارىڭىز، جينالىستان كەيىن ۇشىپ كەتىڭىز. وبلىس اكىمىمەن بىرلەسىپ، بۇل ماسەلەنى باقىلاۋعا الىڭىز»، - دەدى ۇكىمەت باسشىسى.
اۆتور: مارلان جيەمباي
