قىتايدا كولىك جۇرگىزەتىن ايەلدەرگە ارنالعان بولەك تۇراق جاسالدى - فوتو
كوپشىلىك جول-كولىك وقيعاسىنىڭ باسىم بولىگى وسى ايەلدەردىڭ قاتىسۋىمەن ورىن الادى دەپ ەسەپتەيدى. ولاردىڭ اراسىندا ايەلدەر كولىك جۇرگىزۋدەن تۇبەگەيلى باس تارتسا، جول قاۋىپسىزدىگى ايتارلىقتاي ساقتالادى دەيتىندەر دە كوپ.
قىتايدىڭ وڭتۇستىك-شىعىسىندا شەنەۋنىكتەر وسى ءبىر قالىپتاسقان ستەرەوتيپتى جاڭا ساتىعا كوتەردى. ولار ايەلدەرگە ارنالعان ارنايى كولىك تۇراعىن جاسادى. سونداي-اق، ونى ادەتتەگىدەن %50 عا كەڭەيتىپ، سىزىقتاردى كۇلگىن تۇسكە بوياعان. سول ماڭداعى 370 تۇراقتىڭ 8 ىنە وسىنداي وزگەرىس ەنگىزگەن. شەنەۋنىكتەر ەندى ايەلدەر كەڭ تۇراقتا ءبىرىن-بىرىنە تۇيىسپەي، اپاتسىز جۇرەدى دەگەنگە سەنىم بىلدىرگەن.
جوبانىڭ جەتەكشىسى پان چجۋجەن ب ا ق- قا بەرگەن سۇحباتىندا مۇنداي شەشىمگە كەلۋىنىڭ بىردەن-ءبىر سەبەبى، كوپتەگەن ايەلدەر ادەتتەگى تۇراقتارعا كولىكتەرىن قويۋدا قينالادى دەپ جاۋاپ بەرگەن. ونىڭ ويىنشا ايەلدەردىڭ كوبى كولىكتى تۇراققا ارقاعا ءجۇرۋ ارقىلى قويۋعا قينالادى. كەي قىزدار ءتىپتى وزىنە سەنىمسىز بولسا دا تاۋەكەل ەتەمىن دەپ وزگە كولىكتەردى سىرادى، دەپ جاۋاپ بەرگەن.
چجۋجەن كۇلگىن ءتۇستى سىزىعى بار تۇراقتار تەك ايەلدەرگە ارنالعانىن راستايدى. جوبانىڭ ماقساتى - بارلىق ادامعا جول ءجۇرۋ كەزىندە ءتيىستى جاعداي جاساۋ.
بۇل تۇراقتار وسى جىلدىڭ ناۋرىز ايىندا جاسالعان. ءبىراق، جوبا جەتەكشىلەرى باستاماعا قارسى پىكىرلەر مەن كوزقاراستاردى ەندى عانا الا باستاعان.
نەگىزىندە ايەلدەرگە بولەك تۇراق جاساۋ باستاماسى قىتايدا ءبىرىنشى رەت بولىپ وتىرعان جوق. بۇعان دەيىن مۇنداي تۇراق اۆستراليا، شۆەيتساريا جانە گەرمانيادا بولعان. ولار ءوز ەلىندەگى ايەلدەرگە كولىك جۇرگىزىپ باستاعان كەزدە قينالماي ۇيرەنىپ كەتۋ ءۇشىن جاسالعان ەدى.
ەڭ قىزىعى قىتايدا بولعان جول كولىك وقيعاسىنا سەبەپكەر ەركەكتەردىڭ سانى ايەلدەرگە قاراعاندا ءۇش ەسە كوپ ەكەن.
Stan.kz
