ق ر باس پروكۋرورىنىڭ بۇرىنعى ءبىرىنشى ورىنباسارى قاماۋعا الىندى

استانا. قازاقپارات - وتكەن دەمالىستاردا ۇلتتىق قاۋىپسىزدىك قىزمەتكەرلەرى ت. تولەشەۆتىڭ ءبىرقاتار سىبايلاس جاقتاستارىن تۇتقىندادى.

بۇل تۋرالى بۇگىن ق ر باس پروكۋراتۋراسىندا وتكەن بريفينگتە ق ر ۇلتتىق قاۋىپسىزدىك كوميتەتى باسپا ءسوز قىزمەتىنىڭ وكىلى رۋسلان كاراسيەۆ ءمالىم ەتتى.

«وتكەن دەمالىستاردا ۇلتتىق قاۋىپسىزدىك قىزمەتكەرلەرىمەن استانا، الماتى جانە شىمكەنت قالالارىندا تولەشەۆتىڭ ءبىرقاتار سىبايلاس جاقتاستارى تۇتقىندالدى. ولاردىڭ قاتارىندا ق ر باس پروكۋرورىنىڭ بۇرىنعى ءبىرىنشى ورىنباسارى، ق ر كونستيتۋتسيالىق كەڭەسىنىڭ بۇرىنعى مۇشەسى، ەكىنشى سىنىپتى ادىلەت كەڭەسشىسى ءىلياس باقتىبايەۆ، وڭتۇستىك قازاقستان وبلىسى ىشكى ىستەر دەپارتامەنتىنىڭ بۇرىنعى باسشىسى، گەنەرال-مايور حيبراتۋللا دوسقاليەۆ، وڭتۇستىك قازاقستان وبلىسى ءى ءى د باستىعىنىڭ بۇرىنعى ءبىرىنشى ورىنباسارى، پوليتسيا پولكوۆنيگى ساكەن ايتبەكوۆ، ق ر قورعانىس مينيسترلىگى «وڭتۇستىك» ايماقتىق باسشىلىعىنىڭ 35748 جانە 55652 اسكەري بولىمدەرىنىڭ كومانديرلەرى، پولكوۆنيكتەر بەكزات جۇمين جانە قايرات پەرنەبايەۆ بار. اتالعان ادامدار تۇتقىندالىپ، ۋاقىتشا تەرگەۋ يزولياتورىنا وتىرعىزىلدى»، - دەدى ول.

قازىرگى كەزدە تەرگەۋ امالدارى جالعاسۋدا.

بۇدان بۇرىن حابارلانعانداي، قاماۋعا الىنعان ءىرى كاسىپكەر توقتار تولەشەۆ بيلىكتى كۇشپەن باسىپ الۋعا دايىندىق جۇمىستارىن جۇرگىزگەن.

اۆتور: رۋسلان عابباسوۆ