11:11, 06 - ماۋسىم 2016 | GMT +5
الماتى اكىمى نازىم قىزايبايعا اۆتوكولىك سىيلادى - فوتو
استانا. قازاقپارات - الماتى قالاسىنىڭ اكىمى باۋىرجان بايبەك ايەلدەر اراسىنداعى بوكستان ەكى دۇركىن الەم چەمپيونى اتانعان نازىم قىزايبايدى قۇتتىقتادى.
بۇل تۋرالى الماتى اكىمدىگىنىڭ باسپا ءسوز قىزمەتىنىڭ قىزمەتكەرى ەركەبۇلان كەنجەبولاتوۆ فەيسبۋكتەگى جەكە پاراقشاسىندا حابارلادى.
ءداستۇرلى ۆەلوشەرۋدەن كەيىن اكىم الەم چەمپيونىن كەزەكتى جەڭىسىمەن قۇتتىقتاپ، وعان كولىك كىلتىن تابىستادى.
سونىمەن بىرگە سپورتشىعا 1 ميلليون تەڭگەنىڭ سەرتيفيكاتى مەن قالاداعى تانىمال فيتنەس-كلۋبتاردىڭ بىرىنە جىلدىق تەگىن ابونەمەنت بەرىلدى. سونداي-اق نازىمنىڭ جەكە باپكەرى جۇمابەك ءومىرزاقوۆقا دا ەكى دۇركىن الەم چەمپيونىن تاربيەلەگەنى ءۇشىن ميلليون تەڭگە تابىس ەتىلدى.
