قازاقستاندىق وپەراتور ەۋروپالىق كينو تۇسىرىلىمىنە قاتىسۋدا
ازامات كارتينانىڭ ءتۇسىرۋ الاڭىنداعى ارنايى قوناق.
لەنتا سيۋجەتى اكۋشەر- گينەكولوگ بولىپ جۇمىس ىستەيتىن جالعىزىلىكتى ايەل تۋرالى اڭگىمەلەيدى. ونىڭ جاقىن تۋىستارىنان شۇعىل وپەراتسيا جاساۋدى قاجەت ەتەتىن اۋرۋ اناسى عانا بار. تۇسىرىلىمگە اتاقتى اكتريسالار كاترين دەنەۆ پەن كاترين فرو قاتىسۋدا، دەپ جازادى Brod.kz.
كارتينانىڭ رەجيسسەرى مارتەن پروۆو، وپەراتورى يۆ كاپ، ول قازاقستاندىق ءامىر بايعازيننىڭ «جارالى پەرىشتە» جوباسىندا جۇمىس جاساعان.
«مەنىڭ دوسىم وپەراتور يۆ كاپ كوپتەن بەرى مەنى بەلگياعا شاقىرىپ جۇرگەن. ءبىز ءامىر ءبايعازيننىڭ كارتيناسىمەن بىرگە جۇمىس جاسادىق. مەن وتباسىممەن ەۋروپاعا بارعانىمدا يۆقا: «I'm in Europe» (اۋدارماسى: «مەن ەۋروپادامىن»)، دەپ جازدىم. ول بىردەن بريۋسسەلگە ماعان كەل دەپ شاقىردى. وندا 2 كۇن قوناق بولىپ، لەج قالاسىنا، كينو ءتۇسىرىلىپ جاتقان الاڭعا تارتتىق»، - دەپ اڭگىمەلەيدى ازامات...
قازاقستاندىق وپەراتور ءتۇسىرىلىمنىڭ ورتا شەنىنە تاپ بولدى جانە وندا ءتۇسىرىلىم اياقتالعانشا بولماق.
«مۇندا جاڭا قىزىقتى جارىق بەرۋ پريوبورلارى، تەحنولوگيالار بار. ءتۇسىرۋ الاڭىنداعى جولدا جولباعىت كورسەتكىشتەرى قويىلعان - بۇل اكىمشىلىك توپتىڭ جۇمىسى. بارلىعى سىبىرلاپ سويلەسەدى. رەجيسسەر مەن وپەراتوردى عانا تىڭدايدى - بۇل وتە ىڭعايلى، ەشكىم دە بوتەن شارۋاعا موينىن بۇرمايدى»، - دەيدى ا. دۋلاتوۆ.
ازامات دۋلاتوۆتىڭ فيلموگرافياسىندا 20 دان استام كينوجوبالار بار. ول - «سىنشىلار تاڭداۋى» سىيلىعى نۇسقاسى بويىنشا 2016-جىلعى ۇزدىك وپەراتور. ونىڭ جۇمىستارىنىڭ اراسىندا «ادەل»، « З0دا تۇرمىسقا شىعۋ»، «اۋىلدان قاشۋ. «ماحاببات» وپەراتسياسى» كارتينالارى بار.
