رەسەي قازاقستاندا تىيىم سالىنعان ب ب ق- نى جارنامالاي المايدى
«2016-جىلدىڭ 26- ساۋىرىنەن باستاپ «سەالەكس فورتە» جانە «الي كاپس» ب ب ق- نىڭ مەملەكەتتىك تىركەۋى كەرى شاقىرتىلعان سوڭ، ولاردى رەسەي اۋماعىندا ساتۋعا دا تىيىم سالىنعان. تيىسىنشە، بۇل بيولوگيالىق بەلسەندى قوسپالاردى ساتۋعا دا جول بەرىلمەيدى»، - دەلىنگەن حابارلامادا.
بۇعان دەيىن ەۋرازيالىق ەكونوميكالىق وداقتىڭ (ە ا ە و) كەدەندىك اۋماعىندا اتالعان پرەپاراتتاردى تىركەۋ كەزىندە قۇرامىندا مالىمدەلمەگەن زات - تادالافيل بولعان زاڭسىز پارتيالارى انىقتالدى. اتالعان اقپارات بەلارۋس، ارمەنيا، سونداي-اق ماسكەۋ بويىنشا تەرگەۋ كوميتەتىنىڭ ۋاكىلەتتى ورگاندارىنان كەلىپ تۇسكەن، دەپ جازادى ر ي ا نوۆوستي.
بۇعان دەيىن روسپوترەبنادزور ءساۋىر ايىنىڭ سوڭىندا قازاقستاننىڭ ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى رەسەيلىك «ۆيس» كومپانياسى شىعاراتىن بۇل ب ب ق- نىڭ مەملەكەتتىك تىركەۋىن كەرى شاقىرتىپ، ولاردىڭ مەملەكەتتىك تىركەۋ تۋرالى كۋالىكتەرىن جويعانىن حابارلاعان ەدى.
