ەلورداداعى «بايقوڭىر» تۇرعىن ءۇي كەشەنىندە ءورت بولدى

استانا. قازاقپارات - استاناداعى «بايقوڭىر» تۇرعىن ءۇي كەشەنىندە ءورت بولدى، دەپ حابارلايدى ق ر ءى ءى م ت ج ك رەسمي وكىلى رۋسلان يمانقۇلوۆ.

«بۇگىن تۇنگى 02:12-دە ەلوردانىڭ ءورت ءسوندىرۋ قىزمەتىنە «بايقوڭىر» تۇرعىن ءۇي كەشەنىنەن ءورت شىققانى جونىندە حابارلاما كەلىپ ءتۇستى.

 02:17-دە ءورت سوندىرۋشىلەر وقيعا ورنىنا جەتتى. ت ج قىزمەتكەرلەرى بارا سالىسىمەن ءۇيدىڭ 5-9 قاباتتارداعى كابەل شاحتاسىنان ءورت شىققانىن، شامامەن 5-20 قاباتتار ارالىعى تۇتىنگە تولىپ كەتكەنىن انىقتادى. 02:35-تە ءتىلسىز جاۋ تولىعىمەن اۋىزدىقتالدى»، - دەپ حابارلايدى رۋسلان يمانقۇلوۆ.

وقيعا ورنىندا ءورت ءسوندىرۋ جەكە قۇرامىنىڭ 50 ادامى مەن 9 نەگىزگى جانە ارنايى تەحنيكا جۇمىس ىستەدى. سونداي- اق، ق ر ءى ءى م  ت ج ك اپاتتار مەديتسيناسى ورتالىعىنىڭ جانە جەدەل جاردەم قىزمەتىنىڭ قىزمەتكەرلەرى جۇمىس ىستەپ، تۇتىنگە ۋلانعان 2 ادامعا جاردەم كورسەتتى. بارلىعى 230 ادام قاۋىپسىز جەرگە شىعارىلدى.

 «قازىرگى ساتتە ءبىزدىڭ قىزمەتكەرلەر قانداي دا ءبىر قاۋىپتى انىقتاۋ ءۇشىن پاتەرلەردى ارالاپ، تەكسەرىپ جاتىر»، - دەدى رەسمي وكىل.