كەرەك كەڭەس: كۇش- قۋاتتى قالاي ارتتىرۋعا بولادى؟
شىعىس مەديتسيناسى رۋحاني جۇتاڭداۋشىلىق پەن ازعىنداۋ جاعدايىندا ادامدار ءتۇرلى اۋرۋعا شالدىعاتىنىن جاسىرمايدى. ءسىزدىڭ كۇش- جىگەرىڭىزدى الىپ، السىزدەندىرەتىن تومەندەگى سەگىز ەرەجەمەن تانىس بولىڭىزدار، دەپ جازادى «ماسساگەت» پورتالى.
1. اياعىنا دەيىن بىتىرمەگەن ءىسىڭىز
ەگەر ءبىر ءىستى باستاپ، سوڭىنا دەيىن بىتىرمەسەڭىز، كۇش- قۋاتىڭىزدىڭ قايدا كەتكەنىن بىلمەي، دەل- سال كۇي كەشەسىز. ايتىلعان نارسەنى، جۇكتەلگەن تاپسىرمانى ۋاقىتىندا ورىنداۋعا تىرىسىڭىز. ال ەگەر قولىڭىزدان كەلمەسە، ۋاقىتىڭىز بولماسا، بوسقا اۋرەگە سالىنباي- اق قويىڭىز.
2. وتىرىك
ادامدار جالعان سويلەگەن كەزدە كوپ ەنەرگياسىنان ايرىلادى. سەبەبى، ونى ويدان قۇراستىرۋ وڭاي شارۋا ەمەس. سوندىقتان، ءوزىڭىزدى دە، وزگەنى دە الداپ، كۇش- جىگەرىڭىزدى قۇرتپاڭىز.
3. قورقىنىش، سەنىمسىزدىك، وشپەندىلىك
قورقىنىش پەن سەنىمسىزدىك كەزىندە كۇشىڭىز تەز جويىلادى. ويتكەنى، اعزاڭىزعا كۇيزەلىستى باستان كەشىرۋ قيىنعا سوعادى.
4. ءارتۇرلى نارسەنى ويلاپ ۋايىمداساڭىز
ەگەر ءسىز كۇنى بويى ءبىر نارسەگە الاڭداپ، ۋايىمداپ جۇرسەڭىز، كۇش- قايراتىڭىز قالمايدى. تۇككە تۇرعىسىز زاتتى ويلاپ، ءوز- ءوزىڭىزدى جەگىدەي جەي بەرمەڭىز.
5. بوس اڭگىمە كەزىندە
اشەيىن ءدامسىز، ءمانسىز اڭگىمەنىڭ وزىنە قانشاما كۇشىڭىزدى جۇمسايسىز. ونى ۇندەمەي جۇرگەننەن كەيىن سەزىنەسىز.
6. رەنىش، وكپە
ءار ادام - اشىق ەنەرگەتيكالىق جۇيە. ەگەر اركىم بىرەۋگە رەنجىپ، وكپەلەي بەرسە، وندا السىزدەنە بەرەدى. سول سەبەپتى تۋما- تۋىس، اعايىن- باۋىر، دوستارىڭىزعا ەشقاشان وكپەلەمەي، كەرىسىنشە كۇشتى قارىم- قاتىناستا بولىڭىز.
7. ۇيقىنىڭ جەتىسپەۋى
ەگەر ۇيقىڭىز قانباسا، كوڭىل- كۇيىڭىز بولماي، كۇنى بويى مازاڭىز كەتىپ، ماۋجىراپ جۇرەسىز. ەڭ اۋەلى ۇيقىنى رەتكە كەلتىرگەنىڭىز ءجون.
8. ارتىق تاماق جەۋ جانە زياندى ادەتتەر
تاماقتى قوماعايلانىپ جەگەننىڭ كەسىرىنەن اعزاڭىز ءتۇرلى اۋرۋعا شالدىعىپ، دارمەنسىز كۇيدە بولاسىز. سوندىقتان، زياندى ادەتتەردى قويىپ، ۋاقىتىمەن، مولشەرىمەن تاماقتانعانىڭىز دۇرىس.
